ប្រទេសចិននឹងរឹតបន្តឹងការបង្ក្រាបទៅលើការប្រើប្រាស់ប្រេងឆាកខ្វក់ ដែលជាការពង្រឹងការគ្រប់គ្រងទៅលើប្រភពប្រេងក្លែងក្លាយ និងការត្រួតពិនិត្យទៅលើដំណើរការចម្រាញ់ប្រេងឆាទាំងនោះ។ នេះដោយយោងតាមការចុះផ្សាយរបស់ទីភ្នាក់ងារ Reuters ដែលផ្អែកទៅតាមឯកសារមួយចេញផ្សាយក្រុមប្រឹក្សារដ្ឋចិន កាលពីថ្ងៃម្សិលមិញនេះ។
ប្រទេសចិនបានបង្ក្រាបទៅលើសុវត្ថិភាពចំណីអាហារនៅប៉ុន្មានឆ្នាំថ្មីៗនេះ បន្ទាប់ពីផ្ទុះរឿងអាស្រូវចំណីអាហារជាហូរហែរ ក្នុងនោះមានទាំងការប្រើប្រាស់ឡើងវិញនូវប្រេងឆាកខ្វក់ ដែលចម្រាញ់ចេញពីប្រភពនានា ដូចជាកាក់សំណល់ភោជនីយដ្ឋាន និងសាច់សត្វខូចគុណភាព។
ឯកសារនោះ បានឲ្យដឹងថា ផលិតកម្មខុសច្បាប់ និងលក់ប្រេងឆាកខ្វក់នោះ នៅតែបន្តកើតមាន។
ឯកសារនោះបញ្ជាក់ថា ភោជនីយដ្ឋាន និងអ្នកផលិតសាច់ ត្រូវតែប្រមូល និងរក្សាទុកកាក់សំណល់សាច់មាន់ និងសាច់ជ្រូកដាច់ដោយឡែក និងរំលាយវាចោលឲ្យបានត្រឹមត្រូវ។
ក្រុងប៉េកាំងក៏បានពង្រឹងការគ្រប់គ្រងលើទីសត្វឃាត កន្លែងផលិតសាច់ អ្នកផលិតប្រេងឆា និងភោជនីយដ្ឋាន ហើយឯកសារនោះ បញ្ជាក់ថា អ្នកលក់ប្រេងឆាក្លែងក្លាយនៅលើអនឡាញ នឹងត្រូវមានទោស៕
