នគរបាលឥណ្ឌូនេស៊ីថ្លែងថា ករណីបំផ្ទុះគ្រាប់បែកចំនួន ២ នៅក្នុងខេត្ត Kampung Melayu ដែលគេដាក់ការសង្ស័យជាជំហានដំបូងថា បង្កឡើងដោយក្រុមភេរវកម្មបោកគ្រាប់បែកអត្តឃាត។
ការបំផ្ទុះគ្រាប់បែកដែលសម្លាប់មនុស្សអស់៥នាក់ នេះកើតឡើងនៅល្ងាចថ្ងៃពុធម្សិលមិញ កើតឡើងនៅក្នុងទីប្រជុំជនដែលមានមនុស្សច្រើន ក្នុងចំណោម៥នាក់ដែលស្លាប់នោះ ២នាក់ជាជនសង្ស័យបោកគ្រាប់បែកអត្តឃាត និង ៣នាក់ផ្សេងទៀតជានគរបាល។ នេះបើតាមសារព័ត៌មាន Channel News Asia។
ហេតុការណ៍នេះ បានបណ្តាលឲ្យមនុស្ស១០នាក់ផ្សេងទៀត រងរបួស ដែលក្នុងនោះរួមបញ្ជូលទាំងនគរបាល និង ជនស៊ីវិល ដែលការវាយប្រហារកើតឡើងនៅចំណតរថយន្តក្រុង។ ក្នុងចំណោមអ្នករងរបួសទាំងនោះកំពុងបញ្ជូនទៅសង្គ្រោះនៅមន្ទីរពេទ្យ។
ការបំផ្ទុះគ្រាប់បែកកើតឡើងនៅម៉ោង៩យប់ ហើយពេលនេះ សមត្ថកិច្ចនៅមិនទាន់អាចបញ្ជាក់ថា ការវាយប្រហារគ្រាប់បែកអត្តឃាតនេះ មានក្រុមណាមួយនៅពីក្រោយនោះទេ ប៉ុន្តែគ្រាន់តែឲ្យដឹងថា ឥណ្ឌូនេស៊ី មានការព្រមានខ្ពស់ពីចលនា ការវាយប្រហារដោយពួករដ្ឋឥស្លាម៕