ចំនួនអ្នកស្លាប់នៅអ៊ីតាលីកើនដល់១៥៩នាក់ ចំណែកផ្លូវរថភ្លើងជាច្រើនកន្លែងរងការខូចខាតដោយសារការរញ្ជួយដីនៅភាគកណ្តាលនៃប្រទេស កាលពីថ្ងៃទី២៤ខែសីហាម្សិលមិញ។
មន្ត្រីអ៊ីតាលីបានព្រមានថាចំនួនអ្នកស្លាប់អាចនឹងកើតឡើងទៀត ខណៈក្រុមអ្នកជួយសង្គ្រោះរកឃើញអ្នករងរបួសកើនដល់ចំនួន៣៦៨នាក់និងជាច្រើនទៀតដែលគេមិនទាន់ដឹងចំនួនច្បាស់លាស់កំពុងកប់នៅក្នុងថ្ម។ នេះបើតាមសារព័ត៌មាន Channel News Asia។
មនុស្សរាប់រយនាក់ស្នាក់នៅកណ្តាលវាល ប្រឈមអាកាសធាតុត្រជាក់ពេញមួយយប់កាលពីល្ងាចមិញ គឺពួកគេមិនហ៊ានចូលក្នុងផ្ទះវិញ ខ្លាចរញ្ជួយដី៕