រញ្ជួយដីកម្លាំង៦,៨ រិច្ឆទ័រញ័រនៅភាគកណ្តាលនៃប្រទេសមីយ៉ាន់ម៉ានៅក្នុងទីក្រុងបាហ្គានបានសម្លាប់មនុស្សម្នាក់និងបំផ្លាញប្រាសាទនិងវត្តជាច្រើនកន្លែង។
ក្រុមអ្នកភូមិសាស្ត្រអាមេរិកបានរកឃើញថាការរញ្ជួយនោះស្ថិតនៅចម្ងាយ២៥គីឡូម៉ែត្រភាគខាងលិចនៃទីក្រុង Chauk នៅថ្ងៃនេះ។ នេះបើតាមសារព័ត៌មាន BBC។
កម្លាំងនៃការរញ្ជួយដីនេះបានញ័រដល់ប្រទេសថៃ បង់ក្លាដេស និងឥណ្ឌា។
អ្នកនាំពាក្យនាយកដ្ឋានបុរាណវិទ្យារបស់មីយ៉ាន់ម៉ាបានថ្លែងថា ប្រាសាទចេតិយនៅតាមវត្តអារាមចំនួន៦៦រងការបំផ្លាញ។
អាជ្ញាធររាយការណ៍ទៀតថា បុរសអាយុ២២ឆ្នាំម្នាក់បានស្លាប់នៅក្នុងទីក្រុងប៉ាកូគូ ដោយសារតែអាគារបាក់រលំលើ។
ទិដ្ឋភាពនៃការរញ្ជួយដីហុយឡើងលាយលំជាមួយពពកនៅលើវត្តអារាមនិងភូមិឋានអ្នកស្រុក៕