ភ្នាក់ងារពេទ្យសត្វប្រចាំឃុំអូរតាប៉ោង ខេត្តពោធិ៍សាត់ បានដឹកនាំកម្លាំង ចុះចាក់វ៉ាក់ការពារជំងឺដល់សត្វពាហនៈ របស់ពលរដ្ឋខណៈពេលមានភ្លៀងធ្លាក់ញឹកញាប់។
ភ្នាក់ងារពេទ្យសត្វប្រចាំភូមិបត់គគីរថ្មីម្នាក់លោក នូ យ៉ន បានឲ្យដឹងនៅថ្ងៃទី ២៣ ខែសីហាថា នេះជាលើកទី ១ ហើយដែលក្រុមគ្រូពេទ្យសត្វ ចុះមកចាក់វ៉ាក់សាំងការពារជំងឺអុតក្តាមដល់សត្វពាហនៈ របស់ប្រជាពលរដ្ឋ។ លោកបន្ថែមទៀតថា កន្លងមកភ្នាក់ពេទ្យសត្វទទួលបានតែ វ៉ាក់សាំងការពារជំងឺ សាទឹក នឹងជំងឺផ្សេងៗទៀត ប៉ុន្តែមិនបានចុះចាក់នៅតាមភូមិផ្ទះទេ តម្រូវឲ្យរៀបចំកន្លែងណាមួយនិងធ្វើប្រឡុងគៀបឲ្យបានត្រឹមត្រូវ ដើម្បីជៀសវាងពីគ្រោះថ្នាក់ផ្សេងៗដែលអាចកើតឡើង។
ប្រជាពលរដ្ឋនៅក្នុងភូមិបត់គគីរថ្មី បានថ្លែងអំណរគុណចំពោះភ្នាក់ងារពេទ្យសត្វទាំងអស់ ដែលបានចុះមកចាក់វ៉ាក់សាំង ការពារជំងឺដល់សត្វពាហនៈរបស់ពួកគាត់។
ដោយពលរដ្ឋអ្នកសារព័ត៌មាន ខេត្តពោធិ៍សាត់ លោក នួន ឈឿន