ពលរដ្ឋ​ស្វែង​រក​ដំណោះ​ស្រាយ​ពី​ក្រសួង​ជុំ​វិញ​ដី​មាន​ជម្លោះ​ជាមួយ​សមាគម​ចិន

ដោយ លោក ឃុត សុគន្ធ​​ | ថ្ងៃចន្ទ ទី២៦ ខែកុម្ភៈ ឆ្នាំ២០១៨​ ម៉ោង 2:19 PM | បញ្ហា​វិវាទដីធ្លីសិទ្ធិមនុស្ស | 0 | 1112

ក្រុមប្រជាពលរដ្ឋដែលកំពុងមានជម្លោះដីធ្លីជាមួយសមាគមចិនក្នុងខណ្ឌពោធិ៍ជ័យ រាជធានីភ្នំពេញ បានប្រមូលផ្តុំគ្នាដាក់ញត្តិទៅក្រសួងរៀបចំដែនដីនៅថ្ងៃនេះ ដោយ​បាន​ស្នើ​សុំ​ស្ថាប័ន​នេះ ឲ្តយ​ជួយដោះស្រាយវិវាទដីធ្លីរបស់ពួកគេ។

ញត្តិមួយដែល​ដាក់ទៅក្រសួងរៀបចំដែនដីនៅថ្ងៃនេះ បង្ហាញ​ថា ប្រជាពលរដ្ឋ ៥៦គ្រួសាររស់នៅភូមិព្រៃដូនអុក សង្កាត់ត្រពាំងក្រសាំង បានស្នើ​ទៅក្រសួងឲ្យផ្អាកការចេញប័ណ្ណកម្មសិទ្ធិជូន​លោក សេង ស៊ីហេង តំណាង​សមាគម​ចិន ដោយ​ថា ដើម្បី​រង់ចាំ​ដំណោះ​ស្រាយ​សិន។

ក្រុមពលរដ្ឋ បាន​អះ​អាង​នៅ​ក្នុង​ញត្តិ​នោះ​ថា កាលពីឆ្នាំ១៩៨៧ សមាគមចិនមួយ​ហុកគៀន បាន​ស្នើ​សុំដី ១៣ហិកតាពីពលរដ្ឋទាំង ៥៦គ្រួសារសម្រាប់ធ្វើកន្លែងគោរពសក្ការៈពេលបុណ្យចូលឆ្នាំម្តងៗ ហើយ​បាន​ប្រគល់​ទៅ​ឲ្យ​អ្នក​ភូមិ​កាន់​កាប់​វិញ​នៅ​ឆ្នាំ​២០១១។

ក្រុម​អ្នក​ភូមិ​រៀបរាប់​ទៀត​ថា ប៉ុន្តែ ពេលថ្មីៗនេះ លោក សេង ស៊ីហេង ចេញមកអះអាងថា ដីនោះជារបស់ខ្លួនទៅវិញ ខណៈ​ដែល​ក្រុមពលរដ្ឋអះ​អាង​ថា ពួកគាត់​កាន់​កាប់​ដី​នោះ​តាំង​ពី​ឆ្នាំ​១៩៧៩​មក​ម៉្លេះ។

វីអូឌីមិនអាច​សុំការបក​ស្រាយពី​លោក សេង ស៊ីហេង ដែលពលរដ្ឋចោទនោះបានទេ។

ចំណែកអ្នកនាំក្រសួងរៀ​ចំដែន លោក សេង ឡូត ទូរសព្ទចូល ប៉ុន្តែ គ្មានអ្នកទទួល។

កាលពីថ្ងៃទី២១ កុម្ភៈ ឆ្នាំ២០១៨នេះ អភិបាលរាជធានីភ្នំពេញ លោក ឃួង ស្រេង បានបញ្ជាទៅអភិបាលខណ្ឌ ពោធិ៍សែនជ័យ ឲ្យ​រក្សាស្ថានភាពដីដែលកំពុងមានជម្លោះនោះនៅដដែលសិន ដោយថា ដើម្បីរង់ចាំការដោះស្រាយបន្ត៕

សរសេរមកកាន់ លោក ឃុត សុគន្ធ តាមរយៈ sokun@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required