អាជ្ញាធរ​ឧតុនិយម​ព្រមាន​ពី​ផ្គរ​រន្ទះ​និង​ខ្យល់​កន្ត្រាក់​នៅ​រដូង​ប្រាំង​នេះ

ដោយ កញ្ញា យួង ចន្នី​​ | ថ្ងៃអាទិត្យ ទី២៦ ខែមីនា ឆ្នាំ២០១៧​ ម៉ោង 10:02 AM | បរិស្ថាន | 0 | 1515 រូបអគារស្ថានីយ៍ឧតុនិយមនៃ​ក្រសួងធនធានទឹក​និង​ឧតុនិយមកម្ពុជា

អាជ្ញាធរ​ឧតុនិយម ​បាន​ព្រមាន​​អំពី​​បាតុ​ភូត​ផ្គរ រន្ទះ និង​ខ្យល់កន្ត្រាក់​ ដែល​អាច​កើត​មាន​នៅ​ក្នុង​ភ្លៀង​កក់​ខែ​ចាប់​ពី​ចុង​ខែ​មីនា​នេះ​ ​រហូត​ដល់​ដើម​ខែ​មេសា​ខាង​មុខ​នេះ​។​

ក្នុង​សេចក្ដី​ប្រកាស​ព័ត៌មាន​កាល​ពី​ថ្ងៃ​ទី​២៣ ខែ​មីនា​ ក្រសួងធនធាន​ទឹក និង​ឧតុនិយម ​បាន​ព្យាករណ៍​ថា​ ប្រទេស​កម្ពុជា​នឹង​មាន​ភ្លៀង​ធ្លាក់​កក់​ខែ ចា​ប់​ពី​ថ្ងៃ​ទី​២៣ ខែ​មីនា រហូត​ដល់​ថ្ងៃ​ទី​០៣ ខែ​មេសា ឆ្នាំ ២០១៧​។ ភ្លៀង​កក់​ខែ​​ជាង​មួយ​សប្ដាហ៍​នេះ ក្រសួង​ថា​ អាច​នឹង​មាន​បាតុ​ភូត​ផ្គរ​ រន្ទះ និង​ខ្យល់​កន្ត្រាក់​ថែម​ទៀត​ផង​ ហើយ​ក្រសួង​ បាន​ព្រមាន​ទៅ​ដល់​​ប្រជា​ពលរដ្ឋ ឲ្យ​ប្រុងប្រយ័ត្ន​ចំពោះ​បាតុ​ភូត​ធម្មជាតិ​ទាំង​នោះ​។​

ក្រសួង​បាន​បញ្ជាក់​ថា​ បណ្តា​ខេត្ត​ជាប់​ព្រំដែន​កម្ពុជា-ថៃ បណ្តា​ខេត្ត​នៅ​តំបន់​ខ្ពង់​រាប​ និង​ខេត្ត​សៀមរាប​ អាច​នឹង​មាន​ភ្លៀង​ធ្លាក់​ច្រើន៕

សរសេរមកកាន់ កញ្ញា យួង ចន្នី តាមរយៈ vichnyyuong@gmail.com

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required