កំណាត់ផ្លូវជាតិលេខ ៥ ប្រវែងជិត ៨៥គីឡូម៉ែត្រពីខេត្តបាត់ដំបងទៅទីរួមខេត្តបន្ទាយមានជ័យ ត្រូវបានបើកការដ្ឋានសាងសង់ជាថ្មីនៅព្រឹកថ្ងៃនេះ ក្រោមជំនួយថវិការបស់ប្រទេសជប៉ុន។
ទំព័រហ្វេសប៊ុកក្រសួងសាធារណការ និងដឹកជញ្ជូន បានឲ្យដឹងថា កំណាត់ផ្លូវជាតិលេខ ៥ ពីទីរួមខេត្តបាត់ដំបងទៅកាន់ក្រុងសិរីសោភ័ណ ខេត្តបន្ទាយមានជ័យ នឹងត្រូវចាក់បេតុងកៅស៊ូកម្រាស់ ១៥សង់ទីម៉ែត្រ និងសាងសង់ដោយក្រុមហ៊ុនជប៉ុន នៅក្នុងរយៈពេល ៣៦ខែ ខណ ខណៈដែលទំហំនៃការចំណាយគម្រោងនេះចំនួន ១៨៥លានដុល្លារ គឺជាជំនួយឥតសំណងពីរដ្ឋាភិបាលជប៉ុន។
ក្រសួងដដែលនេះ បានឲ្យដឹងថា គម្រោងសាងសង់កំណាត់ផ្លូវជាតិលេខ ៥ នេះ គឺជាផ្នែកមួយនៃគម្រោងផ្លូវហាយវ៉េអាស៊ាន ដែលនឹងតភ្ជាប់ច្រករបៀងសេដ្ឋកិច្ចកម្ពុជានៅភាគខាងលិច ទៅនឹងច្រករបៀងសេដ្ឋកិច្ចកម្ពុជា នៅភាគខាងកើត ឬតភ្ជាប់ទីក្រុងបាងកក ទៅកាន់រាជធានីភ្នំពេញ និងទីក្រុងហូជីមិញរបស់វៀតណាម៕