អភិបាលកិច្ច

ការប្រមូលពន្ធកើនឡើងជិត៧០លានដុល្លារក្នុងត្រីមាសទី១ឆ្នាំ២០១៨

ដោយ វីអូឌី
| ២៦ មេសា ២០១៨
ម៉ោង ១៤:២៣

ច្រកចូល អគ្គនាយកដ្ឋានពន្ធដារ នៃក្រសួងសេដ្ឋកិច្ច និង ហិរញ្ញវត្ថុ ដែលមានទីតាំងស្ថិតនៅ សង្កាត់ទឹកល្អក់១ ខណ្ឌទួលគោក រាជធានីភ្នំពេញ

របាយការណ៍បង្ហាញថា ការប្រមូលពន្ធរយៈពេលបីខែដើមឆ្នាំ២០១៨កើនឡើងជាង៦៧លានដុល្លារអាមេរិក បើប្រៀបធៀបនឹងរយៈពេលដូចគ្នានេះកាលពីឆ្នាំ២០១៧។

យោងតាមសេចក្តីប្រកាសព័ត៌មានរបស់អគ្គនាយកដ្ឋានពន្ធដារ ចេញកាលពីថ្ងៃពុធម្សិលមិញ ដែលស្រង់សំដីរបស់លោកគង់ វិបុល ប្រតិភូរាជរដ្ឋាភិបាលនិងជាអគ្គនាយកនៃអគ្គនាយកដ្ឋានពន្ធដារ បង្ហាញថាអគ្គនាយកដ្ឋានពន្ធដារប្រមូលចំណូលពីពន្ធគ្រប់ប្រភេទបានជាង៧៦១លានដុល្លារអាមេរិកក្នុងត្រីមាសទី១ឆ្នាំ២០១៨។ បើតាមសេចក្តីប្រកាសព័ត៌មាននេះ ចំនួនសរុបនៃការប្រមូលពន្ធស្មើនឹង ៣៩,៦% នៃផែនការកំណត់ដោយច្បាប់។

រដ្ឋាភិបាលកម្ពុជាគ្រោងចំណាយថវិកាចំនួនប្រមាណជា៦ពាន់លានដុល្លារអាមេរិក សម្រាប់គម្រោងចំណាយឆ្នាំ២០១៨។ ចំណាយនេះត្រូវបានបង្កើនសម្រាប់វិស័យអប់រំ ការពារជាតិ និងសិល្បៈ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។