ក្រុមភេរវកម្ម IS អះអាងថា ពួកគេជារៀបចំវាយប្រហារនៅចំណតរថយន្តក្រុងនៅក្នុងទីក្រុងចាការតានៃប្រទេសឥណ្ឌូនេស៊ី កាលពីថ្ងៃពុធហើយបានបណ្តាលឲ្យនគរបាលចំនួន៣នាក់ស្លាប់។
តាមការផ្សព្វផ្សាយរបស់ទីភ្នាក់ងារព័ត៌មានរបស់ក្រុម IS គឺ Amaq បានបញ្ជាក់ថា ក្រុមវាយប្រហារសម្លាប់នគរបាលនៅចាការតាគឺជាសកម្មភាពរបស់ពួក IS។ នេះបើតាមការចុះផ្សាយរបស់សារព័ត៌មាន Channel News Asia។
ចាប់តាំងពីដើមខែមករាឆ្នាំ២០១៧ មនុស្សចំនួន៨នាក់នៅឥណ្ឌូនេស៊ីបានស្លាប់ដោយសារសកម្មភាពវាយប្រហារភេរវកម្ម ក្នុងនោះ៤នាក់ជាក្រុមភេរវករអោបគ្រាប់បែកអត្តឃាតនិងខ្មាន់កាំភ្លើងបើកការវាយប្រហារក្នុងទីក្រុង៕