ក្រុមអង្គការសង្គមស៊ីវិលអំពាវនាវឲ្យទម្លាក់បទចោទអ្នកការពារបរិស្ថានជាជនជាតិភាគតិច

លោក វ៉ែន វ៉ន ថ្លែងនៅក្នុងសន្នីសិទកាសែត កាលពីពេលកន្លងទៅ

ក្រុមអង្គការសង្គមស៊ីវិលចំនួន៣១ ដែលធ្វើការផ្នែកសិទ្ធិមនុស្ស ដីធ្លី និងបរិស្ថាន បានអំពាវនាវរទម្លាប់ចោលបទចោទលើសកម្មជនការពារបរិស្ថាន ជាជនភាគតិច លោក វ៉ែន វន ដោយថា ដើម្បីបានចូលរួមការពារបរិស្ថាន។

សេចក្តីថ្លែងការណ៍រួម ចុះថ្ងៃទី២៥ ខែកញ្ញ ឆ្នាំ២០១៦ អង្គការលីកាដូ អាដហុក មជ្ឈមណ្ឌលសិទ្ធិមនុស្សកម្ពុជា អង្គការសម្ព័ន្ធភាពការពារសិទ្ធិមនុស្សកម្ពុជា (CHRAC) សហគមន៍បឹងកក់ និងអង្គមួយចំនួនទៀតបានស្វាគមន៍ទៅនឹងតុលាការកំពូលដែលបានទម្លាក់បទចោទលើសកម្មជនការពារព្រៃឡង់ចំនួន៩នាក់នាពេលថ្មីៗនេះ ដែលសាលាដំបូងខេត្តកំពង់ធំសម្រេចឲ្យជាប់ទោស១ឆ្នាំពិន័យជាប្រាក់ចំនួន៥លានរៀល កាលពីឆ្នាំ២០១៤នោះ។

ប៉ុន្តែសេចក្តីថ្លែងការណ៍ដដែលនោះ បានបង្ហាញការខកចិត្តទៅនឹងសាលាឧទ្ធរណ៍ ដែលសម្រេចឲ្យសកម្មជនការពារបរិស្ថាននៅខេត្តកោះកុងលោក វ៉ែន វន នៅបន្តមានទោសព្យួដដែល ដោយថាបើទោះបីរដ្ឋាភិបាលនៅថ្មីៗនេះ បានផ្តល់មេដៃលើកទឹកចិត្តដល់សកម្មជនការពារព្រៃឈើ និងអ្នកការពារបរិស្ថានចំនួន១១នាក់ក៏ដោយ។

លោក វ៉ែន វន ត្រូវបានសមត្ថកិច្ចចាប់ខ្លួននៅថ្ងៃទី៧ ខែតុលា ឆ្នាំ២០១៥ ដោយចោទពីបទប្រមូលអនុផលព្រៃឈើខុសច្បាប់ ខណៈសកម្មជនរូបនោះបានប្រើប្រាស់ឈើក្នុងសហគមន៍ធ្វើមជ្ឈមណ្ឌលទេសចរណ៍តូចមួយក្នុងសហគមន៍។

លុះដល់ថ្ងៃទី៣ ខែមីនា ឆ្នាំ២០១៦ សាលាដំបូងខេត្តកោះកុង បានកាត់ទោសឲ្យលោក វ៉ែន វន ជាប់ពន្ធនាគារ១ឆ្នាំ។ ប៉ុន្តែក្រោយឃុំខ្លួនបាន៥ខែ សាលាដំបូងខេត្តកោះកុង សម្រេចឲ្យលោក វ៉ែន វន បាននៅក្រៅឃុំ ប៉ុន្តែទោសដែលនៅសល់ត្រូវព្យួរ។

ករណីនេះ ជំរុញឲ្យលោក វ៉ែន វន សម្រេចប្តឹងមកសាលាឧទ្ធរណ៍ប្រឆាំងនឹងសាលក្រមព្យួទោសនោះ។

សេចក្តីថ្លែងការណ៍ដដែល បានបញ្ជាក់ថា ការដែលតុលាការកំពូលទម្លាក់បទចោទលើសកម្មជនព្រៃឡង់ ពួកគេថាជាការសម្រេចមួយផ្តល់យុត្តិធម៌ដល់ពួកគេ ដែលជាសម្មជនការពារព្រៃឈើដ៏សកម្មកន្លងទៅ។

អង្គការទាំងនោះឲ្យដឹងទៀតថា ដើម្បីលើកទឹកចិត្តដល់សកម្មជនការពារព្រៃឈើ និងបរិស្ថាន ដែលមានដើមកំណើតជាជនជាតិដើមភាគតិច លោក វ៉ែន វន សង្គមស៊ីវិលអំពាវនាវឲ្យតុលាការកំពូលគួតែពិចារណាទម្លាប់បទចោទលើលោក វ៉ែន វន បន្តទៀតដែលថាដើម្បីជួយលើកទឹកចិត្តដល់សកម្មជនដែលស្មោះត្រង់ការពារបរិស្ថាន និងព្រៃឈើនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ