បន្ទប់ស្នាក់នៅរបស់ពលករខ្មែរ ១៨បន្ទប់ ដែលធ្វើការងារនៅក្នុងប្រទេសថៃ បានខូចខាតទាំងស្រុង បន្ទាប់ពីអគ្គីភ័យកាលពីយប់មិញនេះ នៅឯខេត្តសមុទ្រប្រាកាន ស្ថិតនៅជាប់នឹងទីក្រុងបាងកក។ នេះដោយយោងតាមសមាគមមិត្តភាពកម្មករនិយោជិតកម្ពុជាប្រចាំប្រទេសថៃ ហៅកាត់ថា ស៊ីហ្វាត (CFAT)។
ដោយផ្អែកតាមសមាជិករបស់ខ្លួននៅក្នុងប្រទេសថៃនោះ ស៊ីហ្វាត បានរៀបរាប់នៅលើទំព័រហ្វេសប៊ុករបស់ខ្លួនថា បន្ទប់ជួលរបស់កម្មករចំណាកស្រុកកម្ពុជា ១៨បន្ទប់ នៅទីរួមខេត្តសមុទ្រប្រាកាន ត្រូវភ្លើងឆេះគ្មានសល់។
សមាគមនេះរៀបរាប់ថា សម្ភារៈរបស់កម្មករចំណាកស្រុក ត្រូវភ្លើងឆេះអស់គ្មានសល់ ប៉ុន្តែថា ពុំមានរបាយការណ៍អំពីគ្រោះថ្នាក់ដល់មនុស្សនោះឡើយ៕
