ជនជាតិវៀតណាម ២៩នាក់ត្រូវបានសមត្ថកិច្ចឃាត់ខ្លួនកាលពីថ្ងៃទី ២៦ ខែឧសភានេះបន្ទាប់ពីរកឃើញថាបានមក រស់នៅកម្ពុជាដោយខុសច្បាប់ ។
តាមការចុះផ្សាយរបស់អគ្គស្នងការនគរបាលជាតិនៅថ្ងៃទី ២៧នេះបានឱ្យដឹងថា ជនជាតិ វៀតណាមចំនួន ២៩នាក់ ក្នុងនោះមានស្រីចំនួន ៧នាក់ត្រូវបានសមត្ថកិច្ចរកឃើញថា បានលួចឆ្លងដែន ដោយខុសច្បាប់ និងកំពុងលួចស្នាក់នៅកម្ពុជាដោយគ្មានលិខិតឆ្លង ដែនថែមទៀតផង។
នៅក្នុងរបាយការណ៍ដដែលនោះបានបញ្ជាក់ថាជនជាតិវៀតណាមទាំងនោះបានធ្វើការងារដោយគ្មានឯកសារត្រឹមត្រូវនៅទីតាំងហាងកាត់សក់ និងហាងលក់កាហ្វេនៅសង្កាត់ច្បារ អំពៅទី២ ខណ្ឌច្បារអំពៅ។
សមត្ថកិច្ចបានបញ្ជាក់ថាជនឆ្លងដែនខុសច្បាប់ទាំងនោះបានបញ្ជូនទៅអគ្គនាយកដ្ឋានបន្តនីតិវិធីតាមផ្លូវច្បាប់៕
