យន្តហោះ​សិង្ហបុរីត្រូវភ្លើង​​ឆេះ​ អំទ្បុងពេលចុះ​ចត​បន្ទាន់

(រូបភាពពី CNA)

យន្តហោះមួយគ្រឿងរបស់ក្រុមហ៊ុនអាកាសចរណ៍ Singapore Airlines ដែលហោះហើរទៅកាន់ទីក្រុងមីឡង់ បានរងការឆាបឆេះ ខណៈកំពុងចុះចតបន្ទាន់នៅសិង្ហបុរី។

សារព័ត៌មាន Channel News Asia របស់សិង្ហបុរីបានផ្សាយថាយន្តហោះជើងហោះហើរ SQ368 បានចាកចេញពីព្រលានយន្តហោះឆាងអ៊ី នៅម៉ោងជាង២ទៀបភ្លឺនៅថ្ងៃនេះ។ ប្រហែលរយៈពេល២ម៉ោងកន្លះក្រោយមក យន្តហោះនោះបានបង្ខំចិត្តត្រឡប់មកសិង្ហបុរីវិញ ដោយសារតែការលេចធ្លាយប្រេង។

អ្នកដំណើរម្នាក់បានប្រាប់អ្នកយកព័ត៌មានថា បន្ទាប់យន្តហោះនោះចុះចតនៅម៉ោងប្រហែល៧ព្រឹក អ្នកដំណើរបានស្រែកនិងទះដៃអបអរ ហើយបន្ទាប់មកមានភាពជ្រួលច្របល់កើតឡើងនៅពេលមានអណ្ដាតភ្លើងឆាបឆេះ នៅផ្នែកខាងស្ដាំនៃយន្តហោះនោះ។

ទោះជាយ៉ាងណាអ្នកដំណើរទាំងអស់ត្រូវបានគេជម្លៀសចេញនិងបញ្ជូនតាមរថយន្តទៅទីរង់ចាំនៅក្នុងព្រលានយន្តហោះ។ អ្នកដំណើរមួយចំនួនបានជ្រើសរើសឡើងជិះយន្តហោះផ្សេងទៀត នៅម៉ោងប្រហែល៨ព្រឹកនេះ ខណៈអ្នកដទៃទៀតសម្រេចស្នាក់នៅក្នុងសណ្ឋាគារមួយរៀបចំដោយក្រុមហ៊ុនអាកាសចរណ៍មួយនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ