មន្ត្រីតុលាការចំនួន ៤០៦នាក់ ត្រូវបានព្រះមហាក្សត្រ សម្ដេចព្រះ នរោត្តម សីហមុនី ដំឡើងឋានន្តរស័ក្តិនៅទូទាំងប្រទេស។
ក្នុងព្រះរាជក្រឹត្យចេញកាលពីថ្ងៃទី២៣ ខែធ្នូនេះ បានបង្ហាញថា ចៅក្រមចំនួន ២៤៦រូប ត្រូវបានដំឡើងឋានន្តរស័ក្តិទៅជាឧត្ដមចៅក្រម វរៈចៅក្រម និងអនុចៅក្រម ខណៈដែលព្រះរាជអាជ្ញាចំនួន ១០៦រូប ត្រូវបានដំឡើងឋានន្តរស័ក្តិទៅជាឧត្ដមព្រះរាជអាជ្ញា វរៈព្រះរាជអាជ្ញា និងអនុព្រះរាជអាជ្ញា នៅទូទាំងប្រទេស។
ការសម្រេចថ្មីនេះ ត្រូវបានធ្វើឡើងទៅតាមការទូលស្នើសុំពីរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា៕
