អាជ្ញាធរគយកម្ពុជា បានប្រកាសឲ្យដឹងអំពីការប្រើប្រាស់ត្រាពន្ធគយប្រភេទថ្មី សម្រាប់បិទភ្ជាប់ជាមួយផលិតផលស្រា នាឡិកា និងទូរស័ព្ទស្មាតហ្វូន ដែលស្ថាប័ននេះអះអាងថា មានសុវត្ថិភាព។
ក្នុងសេចក្ដីជូនដំណឹងកាលពីថ្ងៃម្សិលមិញនេះ អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា លោក គុណ ញឹម បានប្រកាសថា ដើម្បីបង្កើនប្រសិទ្ធភាពនៃការគ្រប់គ្រងប្រមូលចំណូល និងចៀសវាងការក្លែងក្លាយ ស្ថាប័នរបស់លោកសម្រេចដាក់ឲ្យប្រើប្រាស់ត្រាពន្ធគយប្រភេទថ្មី ដែលមានសុវត្ថិភាព ចាប់ពីថ្ងៃទី០១ ខែមករាឆ្នាំក្រោយនេះ។
បើតាមសេចក្ដីជូនដំណឹងដដែលនេះ ត្រាពន្ធគយប្រភេទថ្មីនេះ គឺជាប្រភេទស្ទីកឃ័រ ដែលបង្កប់ទៅដោយលក្ខណៈពិសេសអាចមើលឃើញដោយប្រើពិលពន្លឺឡាស៊ែរ៕
