ប្រធានាធិបតីអាមេរិក លោក ដូណាល់ ត្រាំ កំពុងតែព្យាយាមបង្កើនការចំណាយយោធាឲ្យបាន ៩ភាគរយ បើទោះបីជាសហរដ្ឋអាមេរិកបានកំពុងជាប់ផុងក្នុងសង្គ្រាមនៅអ៊ីរ៉ាក់ និងអាហ្វហ្កានីស្ថាន ហើយនៅតែជាមហាអំណាចយោធាខ្លាំងបំផុតក៏ដោយ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
មន្ត្រីសេតវិមាន បាននិយាយនៅថ្ងៃនេះថា លោក ត្រាំ នឹងស្នើទៅសភា ឲ្យបង្កើនការចំណាយរបស់មន្ទីរបញ្ចកោណចំនួន ៥៤ពាន់លានដុល្លារ នៅឆ្នាំក្រោយ នៅក្នុងសំណើកញ្ចប់ថវិកាជាតិលើកដំបូងរបស់លោក និងកាត់បន្ថយថវិកាក្នុងចំនួនដូចគ្នានេះពីផ្នែកដទៃទៀតដែលមិនមែនជាវិស័យយោធា ក្នុងនោះមានទាំងការកាត់បន្ថយជំនួយបរទេស។
លោក ត្រាំ មិនបានលើកឡើងពីការចំណាយរបស់សហព័ន្ធនោះឡើយ។ ផែនការចំណាយក្នុងវិស័យយោធារបស់លោក ត្រាំ គឺជាផ្នែកមួយនៃសំណើកញ្ចប់ថវិកាទៅកាន់សភា ដែលនឹងធ្វើតាមផែនការរបស់លោក ត្រាំ នោះឡើយ បើទោះបីជាសភាកាន់កាប់ដោយក្រុមបក្សសាធារណរដ្ឋក៏ដោយ។ ការចរចារជាមួយក្រុមសមាជិកសភាទៅលើគម្រោងចំណាយថវិកាជាតិនេះ នឹងត្រូវចំណាយពេលរាប់ខែ ដើម្បីសម្រេចចេញជាផ្លូវការ។
លោក ត្រាំ បានប្រាប់ក្រុមអភិបាលរដ្ឋនៅសេតវិមានថា ផែនការចំណាយថវិការបស់លោក មានទាំងការបង្កើនការចំណាយលើវិស័យការពារជាតិ ដើម្បីកសាងអំណាចយោធាអាមេរិកឡើងវិញ៕
