បេសកជន​ UN ជំរុញ​ឲ្យ អូបាម៉ា និង ​ពូទីន ជួយ​សង្គ្រោះ​ការ​ចរចា​សន្តិភាព​នៅ​ស៊ីរី

លោក ស្តាហ្វាន់ ដេ មីស្ទូរ៉ា (Staffan de Mistura) បេសកជន​ពិសេស​អង្គការ​សហ​ប្រជាជាតិ (រូបភាពពី Reuters)

អ្នកសម្របសម្រួលអង្គការសហប្រជាជាតិនៅថ្ងៃព្រហស្បតិ៍នេះ បានអំពាវនាវដល់មេដឹកនាំសហរដ្ឋអាមេរិក និងរុស្ស៊ីឲ្យជួយការពារបទឈប់បាញ់មានអាយុកាល២ខែនៅក្នុងប្រទេសស៊ីរីនិងស្ដារឡើងវិញដំណើរការសន្តិភាពដែលខូចខាត។ នេះបើយោងតាមការផ្សាយព័ត៌មានរបស់ Channel News Asia។

លោក ស្តាហ្វាន់ ដេ មីស្ទូរ៉ា (Staffan de Mistura) បេសកជនពិសេសអង្គការសហប្រជាជាតិបានបង្ហាញក្ដីបារម្ភយ៉ាងខ្លាំងចំពោះបទឈប់បាញ់ដែលកំពុងជាប់គាំងនៅទីក្រុងអាឡិបប៉ូ (Aleppo) និងតំបន់បីផ្សេងទៀត បើទោះបីជាលោកបានឃើញជំហរខិតជិតគ្នារវាងរដ្ឋាភិបាលនិងក្រុមប្រឆាំងចំពោះការផ្លាស់ប្ដូរនយោបាយក៏ដោយ។

លោក ដេ មីស្ទូរ៉ា បានថ្លែងនៅក្នុងសន្និសីទសារព័ត៌មានថា លោកអំពាវនាវឲ្យមានការផ្ដួចផ្ដើមជាបន្ទាន់ពីសំណាក់សហរដ្ឋអាមេរិកនិងរុស្ស៊ី ដោយសារកេរ្តិ៍ដំណែលលោកប្រធានាធិបតី អូបាម៉ា និងលោកប្រធានាធិបតី ពូទីន មានជាប់ពាក់ព័ន្ធទៅនឹងជោគជ័យនៃការផ្ដួចផ្ដើមឲ្យមានសន្តិភាពដែលបានចាប់ផ្ដើមយ៉ាងល្អ។ វាត្រូវការបញ្ចប់ទៅដោយល្អផងដែរ។

លោកបន្តថា អាមេរិកនិងរុស្ស៊ី ត្រូវតែបង្កើតនូវកិច្ចប្រជុំថ្នាក់រដ្ឋមន្ត្រីមួយជាមួយមហាអំណាចធំៗនិងមហាអំណាចថ្នាក់តំបន់ ដែលបង្កើតបានជាក្រុមអន្តរជាតិគាំទ្រប្រទេសស៊ីរី។

គណៈកម្មាធិការចរចាជាន់ខ្ពស់ដែលជាក្រុមប្រឆាំងធំរបស់ស៊ីរី បានដកខ្លួនចេញពីកិច្ចពិភាក្សាផ្លូវការកាលពីមួយសប្ដាហ៍មុន ដើម្បីតវ៉ាទៅនឹងការបន្តប្រយុទ្ធនិងការផ្ដល់ជំនួយដ៏យឺតយ៉ាវ៕

ប្រភព៖ Channel News Asia

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ