បុរសម្នាក់វ័យជិត ៧០ឆ្នាំ រស់នៅក្នុងសង្កាត់កូនក្រៀល ក្រុងសំរោង ខេត្តឧត្តរមានជ័យ បានស្លាប់ដោយសារផ្ទុះគ្រាប់កប់ក្នុងដីនៅក្បែរភូមិ។
តាមគេហទំព័រ អគ្គស្នងការដ្ឋាននគបាលជាតិបានចុះផ្សាយនៅថ្ងៃនេះឲ្យដឹងថា បុរសវ័យ ៦៩ឆ្នាំម្នាក់ ឈ្មោះ យិញ យឿប រស់នៅភូមិខ្ទុំ បានទៅកាប់ដីដំបូកនៅក្បែរផ្ទះប៉ះចំគ្រាប់ដែលកប់ក្នុងដីបណ្ដាលផ្ទុះត្រូវស្លាប់ភ្លាមៗនៅនិងកន្លែង នៅថ្ងៃទី ២៧ មិថុនា ឆ្នាំ២០១៧។ គ្រាប់ដែលផ្ទុះគឺ ប្រភេទ គ្រាប់ផ្លោង៦០មិលីម៉ែត្រ។
សមត្ថកិច្ច ជំនាញបានចុះទៅដល់កន្លែងកើតហេតុ ធ្វើការត្រួតពិនិត្យ ប៉ុន្តែមិនបានបញ្ជាក់ថា គ្រាប់នោះបន្សល់ទុកតាំងពីសម័យណានោះទេ។
ហូរ តុងហាន់