អាជ្ញាធរឥណ្ឌូនេស៊ី បានប្រកាសអាសន្នពីស្ថានភាពភ្លើងឆេះព្រៃនៅក្នុងខេត្តចំនួន៥ នៅក្នុងរដូវក្តៅនេះ ដោយសារព្រៃឈើមួយចំនួនបានងាប់អាចមានហានិភ័យខ្ពស់នៃអគ្គីភ័យកើតឡើង។
ក្នុងសេចក្តីថ្លែងការណ៍របស់ទីភ្នាក់ងារជាតិសម្រាប់ការទប់ស្កាត់គ្រោះមហន្តរាយរបស់ឥណ្ឌូនេស៊ី កាលពីថ្ងៃពុធបានបញ្ជាក់ថា ខេត្តចំនួន៥ដែលត្រូវប្រកាសអាសន្នពីភ្លើងឆេះព្រៃនោះរួមមាន Riau, Jambi, South Sumatra, West Kalimantan និង ខេត្តSouth Kalimantan។
អ្នកនាំពាក្យទីភ្នាក់ងារជាតិសម្រាប់ការទប់ស្កាត់គ្រោះមហន្តរាយលើកឡើងថា ក្នុងស្ថានភាពនេះអាជ្ញាធរថ្នាក់ជាតិរៀបចំផែនការជួយដល់អាជ្ញាធរថ្នាក់មូលដ្ឋាន ខណៈអាជ្ញាធរថ្នាក់មូលដ្ឋានប្រកាសស្ថានភាពអាសន្នក្នុងដែននៃការគ្រប់គ្រងរបស់ពួកគេដោយសារភ្លើងឆេះព្រៃនេះ។
ក្នុងរដូវក្តៅដែលមានភ្លើងឆេះព្រៃនេះធនាគារពិភពលោក បង្ហាញរបាយការណ៍ថា ឥណ្ឌូនេស៊ីនឹងបាត់បង់ព្រៃប្រមាណ២,៦លានហិកតា ហើយប៉ះពាល់ដល់តម្លៃសេដ្ឋកិច្ចប្រមាណ១៦ពាន់លានដុល្លារ៕
