កាសែតបាងកក ប៉ុស្តិ៍ បានផ្សាយថា ពលរដ្ឋខ្មែរ ៣៤នាក់ ត្រូវបានសមត្ថកិច្ចថៃចាប់ខ្លួនកាលពីថ្ងៃម្សិលមិញ នៅក្នុងប្រតិបត្តិការបង្ក្រាប់ការកាប់ឈើក្រញូង នៅឯខេត្តបុរីរ៉ាំ។
កាសែតបាងកកប៉ុស្តិ៍ បានឲ្យដឹងថា ត្រូវបានតម្រួតចាប់ខ្លួន បន្ទាប់ពីតម្រួតនៅខេត្តបុរីរ៉ាំ ចាប់ខ្លួនអ្នកបើកបររថយន្តជនជាតិម្នាក់ ដែលបានដឹកជញ្ជូនពលរដ្ឋខ្មែរ និងឈើប្រណិតចេញពីតំបន់ឧទ្យានជាតិថៃ ស្ថិតក្នុងខេត្តនេះ។
កាសែតថៃមួយនេះ បានផ្សាយបន្តថា ពលរដ្ឋខ្មែរទាំងនោះ ត្រូវឈ្មួញរត់ពន្ធឈើទាំងជនជាតិខ្មែរ និងជនជាតិថៃ បញ្ជូនឲ្យទៅកាប់ឈើក្រញូងនៅក្នុងតំបន់អភិរក្សនោះ។
ពលរដ្ឋខ្មែរទាំងនោះ ត្រូវបានតម្រួតថៃនាំយកទៅស្ថានីយតម្រួតថៃស្ថិតក្នុងស្រុកខនបុរី ខេត្តបុរីរ៉ាំ៕