ជនពិការនឹងគ្រួសារក្រីក្រចំនួន ៩គ្រួសារក្នុងខេត្តពោធិ៍សាត់ សាទរ បន្ទាប់ទទួលបានអំណោយជាធុងចម្រោះទឹកស្អាត ខណៈពួកគាត់កំពុងបារម្ភពីសុខភាព ពេលប្រើប្រាស់ទឹកដែលគ្មានអនាម័យ។
មន្ត្រីអង្គការសេវាកម្មអភិវឌ្ឍជនពិការ (DDSP) អ្នកស្រី ភោគ ផល្លីន បានថ្លែងនៅក្នុងវេទិការសាធារណៈមួយ កាលពីថ្ងៃទី ២៦ខែកញ្ញាថា ការប្រើប្រាស់ទឹកភ្លៀង នឹងទឹកអណ្តូងឬទឹកត្រពាំង មិនមានអនាម័យគ្រប់គ្រាន់នោះទេ ដូច្នេះហើយទើប DDSP ផ្តល់ធុងចម្រោះទឹកស្អាតដល់ជនពិការ និងគ្រួសារក្រីក្រចំនួន ៩គ្រួសារ នៅភូមិក្រពើរោទ៍ ឃុំស្នាមព្រះ ស្រុកបាកាន ដើម្បីកាត់បន្ថយផលប៉ះពាល់ដល់សុខភាព និងជំងឺឆ្លងរាតត្បាតមួយចំនួនទៀតដែលចម្លងតាមការប្រើប្រាស់ទឹកមិនស្អាត។
ជនពិការនិងគ្រួសារក្រីក្រទាំង ៩គ្រួសារ បានថ្លែងអំណរគុណចំពោះអង្គការសេវាកម្មអភិវឌ្ឍ (DDSP) ដែលបានផ្តល់ធុងចម្រោះទឹកស្អាត ខណៈពួកគាត់កំពុងមានការបារម្ភពីសុវត្ថភាព ពេលប្រើប្រាស់ទឹកមិនស្អាតកន្លងមក។
ដោយពលរដ្ឋអ្នកសារព័ត៌មាន ខេត្តពោធិ៍សាត លោក ព្រុំ ចាន់ដេង