Manny Pacquiao ជាគោលដៅនៃការចាប់ខ្លួន​របស់ក្រុម​ភេរវកម្ម​

កីឡាប្រដាល់ល្បីឈ្មោះ​របស់ហ្វីលីពីន លោក Manny Pacquiao (រូបភាពពី boxingnewsonline)

កីឡាប្រដាល់ល្បីឈ្មោះរបស់ហ្វីលីពីន លោក Manny Pacquiao បានក្លាយជាគោលដៅដែលក្រុមភេរវកម្មឥស្លាមតាមចាប់ខ្លួន បន្ទាប់ពីក្រុមនោះបានចាប់ខ្លួននិងកាត់ក្បាលជនជាតិកាណាដាម្នាក់។

ប្រធានាធិបតីហ្វីលីពីនថ្លែងថា ក្រុមភេរវកម្មនៅហ្វីលីពីនដែលបានកាត់ក្បាលជនជាតិកាណាដាជាចំណាត់ខ្លាំងនោះ ក៏បានដាក់គោលដៅចាប់អ្នកប្រដាល់ជនជាតិហ្វីលីពីនល្បីឈ្មោះលើពិភពលោកគឺលោក Manny Pacquiao ដែលជាការបង្ហាញភក្តីភាពចំពោះមេដឹកនាំក្រុមភេរវកម្មរដ្ឋឥស្លាម។

លោក Benigno Aquino បានប្រកាសពីគម្រោងរបស់ក្រុម Abu Sayyaf គឺជាក្រុមដែលលោកព្យាយាមតាមប្រមាញ់ពួកក្រុមឥស្លាមប៉ះបោរផ្តាច់ខ្លួននេះ បានសម្លាប់លោក John Ridsdel ជនជាតិកាដាណានៅលើកោះសូលូ។

លោកប្រធានាធិបតី Benigno Aquino ថ្លែងថា ប្អូនស្រីរបស់លោកជាអ្នកអត្ថាធិប្បាយតាមទូរទស្សន៍និងលោក Pacquiao ជាអ្នកដែលកំពុងធ្វើយុទ្ធនាការស្វែងរកការគាំទ្រសម្រាប់អាសនៈនៅព្រឹទ្ធសភានៅពេលបោះឆ្នោតថ្នាក់ជាតិនៅថ្ងៃទី៩ខែឧសភានោះ គឺពួកគេទាំងពីរជាគោលដៅរបស់ក្រុម Abu Sayyaf ចាប់ជំរិត។ លោក Aquino ថ្លែងទៀតថាបច្ចុប្បន្នក្រុមនោះក៏កំពុងរៀបចំបំផ្ទុះគ្រាប់បែកក្នុងពេលយុទ្ធនាការរបស់លោក Pacquiaoនៅរដ្ឋធានីម៉ានីលផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ