នគរបាលជាតិកម្ពុជា បានព្រមានទៅដល់ប្រជាពលរដ្ឋឲ្យប្រុងប្រយ័ត្នខ្ពស់ចំពោះផលិតផលស្រាក្លែងក្លាយ ២ប្រភេទ ដោយថា វាបានធ្វើឲ្យប៉ះពាល់យ៉ាង “ធ្ងន់ធ្ងរ”ដល់សុខភាពអ្នកបរិភោគ។
ក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ អ្នកនាំពាក្យនគរបាលជាតិ បានលើកឡើងថា សមត្ថកិច្ចបង្ក្រាបបានស្រាក្លែងក្លាយម៉ាក CHIVAS និង JOHNY WALKER ដែលត្រូវបានផលិតឡើងក្នុងស្រុក និងនាំចូលពីបរទេស។
អ្នកនាំពាក្យបានអំពាវនាវទៅដល់ប្រជាពលរដ្ឋឲ្យប្រុងប្រយ័ត្នចំពោះស្រាក្លែងក្លាយទាំងពីរម៉ាកនេះ ដោយព្រមានថា វាប៉ះពាល់យ៉ាង “ធ្ងន់ធ្ងរ”ដល់សុខភាពប្រជាពលរដ្ឋ។
នគរបាលជាតិក៏បានប្ដេជ្ញាបន្តបង្ក្រាបស្រាក្លែងក្លាយនេះផងដែរ ដោយស្នើសុំកិច្ចសហការពីប្រជាពលរដ្ឋ ដើម្បីចាប់ខ្លួនជនល្មើស៕