ព្យុះភ្លៀងបានកើតឡើងខ្លាំងនៅភាគខាងកើតនៃប្រទេសចិនបានបណ្តាលឲ្យមានបាក់ដី ហើយមនុស្សចំនួន២៧នាក់កំពុងបាត់ខ្លួន ខណៈក្រុមអ្នកជួយសង្គ្រោះបន្តស្វែងរកនិងជួយជម្លៀសអ្នកភូមិទៅរកកន្លែងមានសុវត្ថិភាព។
ខ្យល់ព្យុះទីហ្វុងបានបោកបក់ខ្លាំង ហើយបណ្តាលឲ្យមានបាក់ដីនៅក្នុងភូមិស៊ូស៊ុនក្នុងកម្រិតខ្លាំងកាលពីថ្ងៃពុធម្សិលមិញ។ នេះបើតាមទីភ្នាក់ងារព័ត៌មានរដ្ឋចិនស៊ីនហូរ។
អាជ្ញាធរបានថ្លែងថាកាលពីខែមុនមានការការបាក់ស្រុតដីខ្លាំងនៅក្នុងទីក្រុងស៊ីចាងជាទីក្រុងធំមួយ ហើយពេលនេះអាជ្ញាធរបានត្រៀមខ្លួនយកចំណុចអាទិភាពក្នុងការដោះស្រាយបញ្ហាបាក់ស្រុតដី។
ទោះយ៉ាងណាមានការរិះគន់ថាអាជ្ញាធរក្នុងតំបន់ពិសេស អាជ្ញាធរនៅខេត្តជាប់មាត់សមុទ្រខាងកើតនៃប្រទេស មានការខ្វះចន្លោះក្នុងការប្រមូលថវិកាឬចំណាយមិនបានគ្រប់គ្រាន់ក្នុងការផ្គត់ផ្គង់ចំណីអាហារនិងដោះស្រាយបញ្ហាផ្សេងៗពេលមានភ្លឿងខ្លាំង៕