ការិយាល័យប្រធានាធិបតីកូរ៉េខាងត្បូង បាននិយាយថា អ្នកស្រី ផាក ហ្គឹនហេ នឹងធ្វើសេចក្ដីថ្លែងការណ៍មួយនៅថ្ងៃនេះ ខណៈដែលរដ្ឋបាលរបស់អ្នកស្រី កំពុងរួមរឹតទៅដោយរឿងអាស្រូវលូកលាន់កិច្ចការរដ្ឋ។
ទីភ្នាក់ងារព័ត៌មានយ៉ុនហាប់កូរ៉េខាងត្បូង បានដកស្រង់សម្ដីការិយាល័យប្រធានាធីបតី ដែលនិយាយថា សេចក្ដីថ្លែងការណ៍របស់ប្រធានាធិបតី មិនមែនជាសេចក្ដីប្រកាសលាលែងពីតំណែងរបស់អ្នកស្រី ផាក នោះឡើយ។
អ្នកស្រី ផាក ដែលតំណែងប្រធានធិបតីរបស់អ្នកស្រីរួមរឹតទៅដោយរឿងអាស្រូវពាក់ព័ន្ធនឹងមិត្តភក្តិជិតស្និទ្ធនោះ បានថ្លែងសុំទោសជាសាធារណៈចំនួន ២លើករួចមកហើយ ប៉ុន្តែ បែរជាជំរុញឲ្យមហាជនកាន់តែអំពាវនាវឲ្យអ្នកស្រីចុះចេញពីតំណែងទៅវិញ៕
