សមាជិកសភាថៃនិយាយថា សភាថៃនឹងយាងរាជទាយាទថៃ មហា វេជ្ជរ៉ាឡុងកន ឲ្យឡើងសោយរាជ្យជាស្ដេចនៅថ្ងៃនេះ ពោលគឺជាង ១ខែក្រោយពីការយាងសោយទីវង្គតរបស់បិតារបស់ទ្រង់ ព្រះមហាក្សត្រ ភូមិបុល អាដុលយ៉ាតេជ។ នេះដោយយោងតាមការផ្សាយរបស់ទីភ្នាក់ងារព័ត៌មាន Reuters។
ស្ដេច ភូមិបុល ដែលជាក្សត្រសោយរាជ្យយូរជាងគេបំផុតនៅលើពិភពលោកនោះ បានសោយទីវង្គត់ក្នុងជន្មាយុ ៨៨ឆ្នាំ។ ទ្រង់គឺជានិមិត្តរូបនៃស្ថេរភាពនយោបាយថៃអស់រយៈពេលជាច្រើទសវត្សរ៍មកហើយ។
ការយាងរាជទាយាទអង្គនេះឲ្យឡើងសោយរាជ្យ ហាក់ជំរុញឲ្យមានក្ដីបារម្ភពីសាធារណជនថា ពិធីឡើងសោយរាជ្យសម្បត្តិអាចមិនប្រព្រឹត្តទៅតាមផែនការ។
នាយករដ្ឋមន្ត្រីថៃ លោក ប្រាយុទ្ធ ច័ន្ទអូចា បាននិយាយកាលពីខែមុនថា ព្រះអង្គម្ចាស់ វិជ្ជរ៉ាឡុងកន បានស្នើឲ្យពន្យារពេលរៀបចំពិធីឡើងសោយរាជ្យសម្បត្តិ ដើម្បីកាន់ទុក្ខជាមួយសាធារណជន៕