របាយការណ៍នគរបាលជាតិកម្ពុជាបានបង្ហាញថាមនុស្សស្លាប់សរុប៣២នាក់ ក្នុងរយៈពេល៣ថ្ងៃនៃពិធីបុណ្យចូលឆ្នាំចិន។
របាយការណ៍នគរបាលជាតិកម្ពុជាចុះផ្សាយលើវេបសាយអគ្គស្នងការនគរបាលជាតិកាលពីល្ងាចថ្ងៃទី២៩ មករា ២០១៧ ឲ្យដឹងថា រយៈពេល៣ថ្ងៃក្នុងថ្ងៃសែនចូលឆ្នាំចិន គ្រោះថ្នាក់ចរាចរណ៍បានកើតឡើងចំនួន៦០លើក បណ្តាលឲ្យមនុស្សស្លាប់ចំនួន៣២នាក់ រងរបួសសរុបចំនួន៩៧នាក់ ក្នុងនោះរបួសធ្ងន់៦៩នាក់និងរបួសស្រាល២៨នាក់។
បើតាមអគ្គស្នងការនគរបាលជាតិ មូលហេតុដែលបណ្តាលឲ្យមានអ្នកស្លាប់ក្នុងករណីគ្រោះថ្នាក់ចរាចរណ៍រួមមាន ការបើកបរលើសល្បឿនកំណត់ ការប្រជែងគ្នា ការស្រវឹង និងការមិនគោរពសិទ្ធិគ្នាជាដើម៕