​ថៃ​ចាប់​សកម្មជន​៨​នាក់​ដោយ​ចោទ​ថា​ញុះញង់​ឲ្យមាន​ការបះបោរ​

រដ្ឋាភិបាលថៃ​ចាប់សកម្មជន​ដែល​ចោទថាញុះញង់​ឲ្យមាន​ការបះបោរ​(រូបភាពពី​សារព័ត៌មានChannel News Asia)​

តុលាការយោធាថៃកាលពីថ្ងៃសុក្រម្សិលមិញ បានសម្រេចឃុំខ្លួនមនុស្ស៨នាក់ ដោយចោទថា ញុះញង់ឲ្យមានការបះបោរក្នុងសង្គមដោយសារតែការសរសេររិះគន់ ការដឹកនាំរដ្ឋាភិបាលយោធា និងសេចក្តីព្រាងរដ្ឋធម្មនុញ្ញ។

ក្រុមយោធាបានធ្វើរដ្ឋប្រហារហើយឡើងកាន់អំណាចកាលពីខែឧសភា ឆ្នាំ២០១៤ ហើយទម្លាក់ចោលរដ្ឋធម្មនុញ្ញចាស់ បច្ចុប្បន្នកំពុងរឹតបន្តឹងលើអ្នកដែលមានគំនិតផ្ទុយ និងសន្យាថា រៀបចំការបោះឆ្នោតថ្នាក់ជាតិនៅពាក់កណ្តាលឆ្នាំ២០១៧។

ប៉ុន្តែទោះជាយ៉ាងណា សេចក្តីព្រាងរដ្ឋធម្មនុញ្ញដែលព្រាងឡើងដោយពួកយោធា គឺមិនមានការឯកភាពគ្នារវាង ក្រុមអ្នកនយោបាយ និង ក្រុមយោធា ដែលកំពុងព្យាយាមរារាំងមិនឲ្យមានការរិះគន់លើចំណុចខ្លះ ហើយសេចក្តីព្រាងនេះ នឹងដាក់ធ្វើប្រជាមតិនៅក្នុងខែសីហាខាងមុខ។

សកម្មជនទាំង៨នាក់ដែលត្រូវពួកក្រុមយោធាឃាត់ខ្លួន ដោយសារកាលពីថ្ងៃពុធ ពួកគេបានសរសេររិះគន់នៅលើហ្វេសប៊ុក លើសេចក្តីព្រាងរដ្ឋធម្មនុញ្ញ និងរិះគន់ការដឹកនាំ របស់លោក ប្រាយុទ្ធ ចាន់អូចា។ សមត្ថកិច្ចចោទពួកគេថា ញុះញង់ឲ្យមានការបះបោរ និង ជាឧក្រិដ្ឋកម្មតាមអ៊ិនធើណែត។ តុលាការបានស្រេច ដាក់អ្នក៨នាក់នោះក្នុងពន្ធនាគារ១២ថ្ងៃ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ