រដ្ឋាភិបាលកម្ពុជាបានជួយសង្គ្រោះពលការិនីកម្ពុជាដែលទៅធ្វើការនៅប្រទេសម៉ាឡេស៊ីចំនួន៣នាក់ត្រលប់មកកាន់កម្ពុជាវិញ បន្ទាប់ពីពូកគេចាញ់បោកមេខ្យល់ទៅធ្វើការ និងពិបាកទ្រាំទ្រនឹងការការងារនៅទីនោះ។
ក្នុងសេចក្តីប្រកាសព័ត៌មានចុះថ្ងៃទី២៨ ឧសភា ក្រសួងការបរទេសបានឲ្យដឹងថា ខ្លួនបានជួយសង្គ្រោះពលការិនីខ្មែរដែលទៅធ្វើការខុសច្បាប់៣នាក់ឲ្យត្រលប់មកកម្ពុជាវិញបន្ទាប់ពីពួកគេរងការលំបាកនៅពេលធ្វើការនៅទីនោះ និងបានមកស្ថានទូតឲ្យជួយសង្គ្រោះ។ ពលការិនីទាំង៣នាក់មានអាយុពី២០ឆ្នាំដល់ ៤៣ឆ្នាំ។
ក្រសួងបានឲ្យដឹងថាបន្ទាប់ពីទទួលជួយ ស្ថានទូតខ្មែរប្រចាំនៅប្រទេសម៉ាឡេស៊ីបានជួយអន្តរាគមន៍ទៅថៅកែឲ្យបើកប្រាក់ខែដែលនៅសេសសល់ដល់អ្នកទាំងបី និងបានជួយសម្រួលកិច្ចការអន្តោប្រវេសបញ្ជូនអ្នកទាំងបីនាក់នោះមកកម្ពុជាវិញ ដែលក្នុងនោះពីរនាក់មកដល់កម្ពុជាកាលពីថ្ងៃទី២៩ម្សិលមិញ និងម្នាក់ទៀតនឹងមកដល់កម្ពុជានាថ្ងៃទី២មិថុនា៕
