ប្រធានាធិបតី​ថ្មី​ហ្វីលីពីន​ស្បថ​ចូល​កាន់​តំណែង​នៅ​ថ្ងៃ​នេះ

លោក Rodrigo Duterte ដែលជាអ្នកនយោបាយប្រកាន់តឹងនោះ ត្រូវស្បថចូលកាន់តំណែងជាប្រធានាធិបតីថ្មីរបស់ហ្វីលីពីននៅថ្ងៃនេះ បន្ទាប់ពីទទួលបានជោគជ័យនៅក្នុងការបោះឆ្នោតដ៏ភ្លូកទឹកភ្លូកដីកាលពីខែឧសភាកន្លងមក។

ប្រធានាធិបតីថ្មីរូបនេះគឺជាអ្នកនយោបាយប្រកាន់តឹងជាពិសេសលោកបានសន្យាធ្វើសង្គ្រាមប្រឆាំងនឹងឧក្រិដ្ឋកម្មដោយគ្មានមេត្តានៅក្នុងឋានៈលោកជាប្រមុខរដ្ឋកាន់អំណាចរយៈពេល៦ឆ្នាំទៅមុខ។

នៅក្នុងកម្មវិធីប្រឆាំងឧក្រិដ្ឋកម្មរបស់លោក លោក Duterte គ្រោងដាក់ឲ្យប្រើប្រាស់ឡើងវិញទោសប្រហារជីវិត ចេញបញ្ជាឲ្យសន្តិសុខបាញ់សម្លាប់ឧក្រិដ្ឋជនជួញដូរគ្រឿងនិងផ្ដល់រង្វាន់ដល់ប្រជាជនដែលចូលរួមសម្លាប់ឧក្រិដ្ឋជនជួញដូរគ្រឿងញៀន។

ទោះជាយ៉ាងណា គោលនយោបាយសន្តិសុខរបស់ប្រធានាធិបតីថ្មីរូបនេះបានទទួលរងការរិះគន់ជាបន្តបន្ទាប់ពីសំណាក់ក្រុមសិទ្ធិមនុស្ស៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ