អភិបាលស្រុកបរិបូណ៌ លោក ឃួន សៅរុំ បានបញ្ជាឲ្យក្រុមប្រឹក្សាឃុំទាំង ១១ឃុំទូទាំងស្រុក ត្រូវផ្តល់សេវាសាធារណៈជូនប្រជាពលរដ្ឋឲ្យបានទាន់ពេលវេលា នឹងពង្រឹងការងារសន្តិសុខសណ្តាប់ធ្នាប់ ក្នុងភូមិឃុំបានកាន់តែប្រសើរឡើង។
ការបញ្ជារបស់លោក ឃួន សៅរុំ បែបនេះធ្វើឡើងក្នុងកិច្ចប្រជុំមួយនៅសាលាស្រុកបរិបូណ៌ ខេត្តកំពង់ឆ្នាំង នាព្រឹកថ្ងៃទី ០៧ ខែសីហានេះ ដែលមានមនុស្សចូលរួមចំនួន ៦០នាក់។ លោកបានបន្ថែមទៀតថា ឃុំត្រូវតែពង្រឹងសមត្ថភាពការងារឲ្យបានល្អ ដើម្បីផ្តល់សេវាសារធារណៈ សេវារដ្ឋបាល និងរៀបចំសណ្តាប់ធ្នាប់ សន្តិសុខ នៅតាមមូលដ្ឋានរៀងខ្លួនឲ្យបានល្អបន្ថែមទៀត៕
ដោយពលរដ្ឋអ្នកសារព័ត៌មាន ខេត្តកំពង់ឆ្នាំង លោក គឹម សេង
