ក្រសួងថាទឹកក្នុងអាងតាម៉ុក ស្រកចុះបន្តបន្ទាប់ពីរថ្ងៃនេះ​

ដោយ VOD Admin​​ | ថ្ងៃពុធ ទី៣០ ខែសីហា ឆ្នាំ២០១៧​ ម៉ោង 2:48 PM | បរិស្ថាន | 0 | 2916

ក្រសួងធនធានទឹកនិងឧតុនិយមបានឲ្យដឹងថា ទឹកក្នុងអាងតាម៉ុក ស្ថិតនៅឃុំអន្លង់វែង ស្រុកអន្លង់វែង ខេត្តឧត្តរមានជ័យ បានស្រកចុះជាបណ្តើរក្នុងរយៈពីរថ្ងៃចុងក្រោយនេះ ប៉ុន្តែស្ថិតនៅក្នុងកម្រិតប្រកាសអាសន្ននៅឡើយ។

យោងតាមទំព័រហ្វេសប៊ុករបស់ក្រសួងធនធានទឹកនិងឧតុនិយមបានចុះផ្សាយនៅថ្ងៃពុធនេះថា ទឹកក្នុងអាងតាម៉ុកថ្ងៃនេះ បានស្រកចុះនៅត្រឹមកំពស់ ៣,៦០ម៉ែត្រ គឺបានស្រកចុះ០,១០ម៉ែត្រ ​បើប្រៀបធៀបទៅនឹងថ្ងៃ២៩ ម្សិលម៉ិញនេះ គឺ៣,៧០ម៉ែត្រ។

តាមរបាយការណ៍ក្រសួងធនធានទឹកបានឲ្យដឹងថា កាលពីថ្ងៃទី២៨ ខែសីហានេះ កំពស់ទឹកក្នុងអាងតាម៉ុកបានកើនឡើងរហូតដល់ទៅ៤ម៉ែត្រ គឺលើសកម្រិតប្រកាសអាសន្ន ដែលក្រសួងកំណត់ត្រឹម៣ម៉ែត្រកន្លះ៕

ហូរ តុងហាន់

សរសេរមកកាន់ VOD Admin តាមរយៈ vodadmin@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required