ប្រទេសចិន នៅថ្ងៃនេះ បានអំពាវនាវទៅកោះតៃវ៉ាន់ ឲ្យដកខ្លួនចេញពីកិច្ចការទីក្រុងហុងកុង ដោយលើកឡើងថា ការលើកយកបញ្ហាទីក្រុងហុងកុងមកនិយាយរបស់កោះតៃវ៉ាន់នោះ គ្មានតម្លៃនោះឡើយ ហើយបានព្រមានតៃវ៉ាន់ កុំឲ្យបំផ្លាញស្ថេរភាពទីក្រុងហុងកុង។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
បើតាម Reuters ក្រុមមេដឹកនាំចិនព្រួយបារម្ភចលនាទាមទារឯករាជ្យកើតឡើងនៅក្នុងទឹកដីហុងកុង ដែលបានវិលត្រឡប់ទៅចិនកាលពីឆ្នាំ១៩៩៧ ដោយមានការសន្យាខាងផ្នែកស្វ័យភាព និងការតវ៉ានាពេលថ្មីៗនៅទីក្រុងនេះ។
ក្រុងប៉េកាំងបានបកស្រាយដោយកម្រទៅលើច្បាប់របស់ទីក្រុងហុងកុង កាលពីដើមខែវិច្ឆិកាកន្លងមកនេះ ដើម្បីរារាំងសមាជិកសភាចង់បានឯករាជ្យពីររូប មិនឲ្យចូលកាន់តំណែងនោះឡើយ។
លោក Baggio Leung និងកញ្ញា Yau Wai-ching នៅថ្ងៃនេះ បានបរាជ័យនៅក្នុងបណ្ដឹងឧទ្ធរណ៍ ជំទាស់ទៅនឹងសេចក្ដីសម្រេចរបស់តុលាការជាន់ទាបរបស់ទីក្រុងហុងកុង ដែលបានបំពេញសម្បទាដល់ពួកគេនោះឡើយ បន្ទាប់ពីពួកគេបានប្រមាថប្រទេសចិន អំឡុងពេលស្បថចូលកាន់តំណែងកាលពីខែមុន។
លោក Baggio Leung និងកញ្ញា Yau Wai-ching បានជាប់ឆ្នោតនៅក្នុងការបោះឆ្នោតជ្រើសសមាជិកក្រុមប្រឹក្សាសភាទីក្រុងហុងកុង កាលពីខែកញ្ញាកន្លងមកនេះ។ អ្នកទាំងពីរមិនទាន់បញ្ជាក់ពីផែនការប្ដឹងបន្តទៅតុលាការកំពូលនោះឡើយ៕
