របាយការណ៍របស់នគរបាលបង្ហាញថា យ៉ាងហោចណាស់មនុស្ស៣នាក់ស្លាប់ ក្នុងហេតុការ ណ៍ផ្ទុះអាវុធកើតឡើងនៅខេត្តមណ្ឌលគិរីកាលពីល្ងាចថ្ងៃអង្គារម្សិលមិញ។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា នៅម៉ោង ចន្លោះ៤ទៅ ៥ល្ងាចថ្ងៃទី៣០ខែមករា មានហេតុការណ៍ផ្ទុះអាវុធកើតឡើងនៅចំណុចឃុំសែនមនោរម្យ ស្រុកអូររាំង។
នគរបាលជាតិឲ្យដឹងថា អ្នកបង្កឲ្យផ្ទុះអាវុធឡើងមានឈ្មោះ ផល ពេញ ជាមន្ត្រីនគរបាលការពារព្រំដែន ឈ្មោះ កើត វេហា និងឈ្មោះ ងួ ជាមន្ត្រីយោធាការពារព្រំដែន។
ចំណែកអ្នករងគ្រោះដែលស្លាប់ក្នុងហេតុការណ៍នេះរួមមានឈ្មោះ ណៃ ជាមន្ត្រីបរិស្ថានខេត្ត ឈ្មោះ វឌ្ឍនា ជាមន្ត្រីកងរាជអាវុធហត្ថលើផ្ទៃប្រទេស និងឈ្មោះថុល ខ្នា។
ក្រសួងស្ថាប័នពាក់ព័ន្ធមិនទាន់បានបញ្ជាក់ពីមូលហេតុដែលនាំឲ្យមានការផ្ទុះអាវុធ បណ្តាលឲ្យមានអ្នកស្លាប់នេះនៅឡើយ។