អាជ្ញាធរថាផ្លូវដែកពីប៉ោយប៉ែតមកសិរីសោភ័ណខេត្តបន្ទាយមានជ័យ ដែលបានផ្អាកដំណើរការអស់រយៈពេល ៤៥ឆ្នាំកន្លងទៅ នឹងត្រូវដាក់ឲ្យដំណើរការឡើងវិញនៅសប្ដាហ៍ក្រោយ ដោយជិៈឥតគិតថ្លៃរយៈពេល៤ខែ។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថាផ្លូវដែកពីប៉ោយប៉ែតមកសិរីសោភ័ណខេត្តបន្ទាយមានជ័យនឹងត្រូវដាក់ឲ្យដំណើរការឡើងវិញនៅថ្ងៃទី០៤ ខែមេសា សប្ដាហ៍ក្រោយហើយ ពលរដ្ឋនឹងទទួលបានសេវា ដោយឥតគិតថ្លៃរហូតដល់ថ្ងៃទី៣១ ខែកក្កដា ឆ្នាំ២០១៨ ។
តាមការចុះផ្សាយដដែលបានលើកប្រសាសន៍របស់អនុរដ្ឋលេខាធិការក្រសួងសាធារណៈការលោក លី បូរិន ថា ការធ្វើដំណើរពីក្រុងប៉ោយប៉ែតមកក្រុងសិរីសោភ័ណមានម៉ោង ០៧ព្រឹក, ម៉ោង១០និង៣០នាទី, ម៉ោង ២និង១៥នាទីរសៀល ចំណែកឯការចេញដំណើរពីក្រុងសិរីសោភ័ណមកក្រុងប៉ោយប៉ែតវិញមានម៉ោង ៨និង៤០នាទីព្រឹក និងម៉ោង១២និង៤៥នាទីនៅម៉ោង ០៤ល្ងាច ៕