កូរ៉េ​ខាង​ត្បូង​ថា កូរ៉េ​ខាង​ជើង​សាក​ល្បង​​គ្រាប់​មីស៊ីល​ថ្មី​ទៀត

(រូបភាពពី AFP)

ក្រសួងការពារជាតិកូរ៉េខាងត្បូងបាននិយាយថា កូរ៉េខាងជើងនៅថ្ងៃអង្គារនេះហាក់ដូចជាព្យាយាមសាកល្បងបាញ់គ្រាប់មីស៊ីលថ្មីមួយទៀតដែលរំលោភទៅនឹងសេចក្ដីសម្រេចរបស់អង្គការសហប្រជាជាតិ ប៉ុន្តែការសាកល្បងនោះបរាជ័យ។

វិធានការរបស់អង្គការសហប្រជាជាតិបានហាមឃាត់កូរ៉េខាងជើងមិនឲ្យប្រើប្រាស់បច្ចេកវិទ្យាគ្រាប់មីស៊ីលនោះឡើយ ប៉ុន្តែប្រទេសនេះនៅតែបាញ់សាកល្បងគ្រាប់មីស៊ីលរយៈចម្ងាយខ្លីចូលទៅក្នុងសមុទ្រនៅភាគខាងកើតប្រទេស។

ទីភ្នាក់ងារព័ត៌មាន AFP បានរាយការណ៍ថាក្រសួងការពារជាតិកូរ៉េខាងត្បូងបាននិយាយថាការសាកល្បងនោះ បានធ្វើឡើងនៅប្រហែលម៉ោង៤ៈ២០នាទីព្រឹកថ្ងៃនេះនៅជិតទីក្រុងកំពង់ផែវ៉ុនសាន ដែលស្ថិតនៅភាគខាងកើតប្រទេស។

ក្រសួងនេះពុំបានបញ្ជាក់លម្អិតអំពីប្រភេទគ្រាប់មីស៊ីលនោះឡើយ ប៉ុន្តែទីភ្នាក់ងារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថានោះគឺជាគ្រាប់មីស៊ីលរយៈចម្ងាយមធ្យមឈ្មោះ Musudan។

ភាពតានតឹងបានបន្តកើតមាននៅឧបទ្វីបកូរ៉េចាប់តាំងពីក្រុងព្យុងយ៉ាងបានសាកល្បងគ្រាប់បែកនុយក្លេអ៊ែរលើកទី៤កាលពីខែមករាកន្លងមកនិងបន្ទាប់ពីរបបឯកោមួយនេះបន្តបាញ់គ្រាប់មីស៊ីលជាបន្តបន្ទាប់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ