កម្ពុជាគ្រោងបើកច្រកព្រំដែនមួយទៀតជាមួយថៃ គឺច្រក៤៣ នៅចំណុចខេត្តបន្ទាយមានជ័យរបស់កម្ពុជា និង ខេត្តស្រះកែវរបស់ថៃ ដោយបញ្ជាក់ហេតុផលថា ដើម្បីបង្កភាពងាយស្រួលឲ្យប្រជាពលរដ្ឋធ្វើដំណើរនិងដឹកជញ្ជូនទំនិញឆ្លងកាត់ព្រំដែន។
អភិបាលរងខេត្តបន្ទាយមានជ័យលោក លី សារី បានឲ្យដឹងថា រាជរដ្ឋាភិបាលកម្ពុជាគ្រោង នឹងអភិវឌ្ឍន៍សេដ្ឋកិច្ចបន្ថែមតាមតំបន់ព្រំដែន ដោយបើកច្រកថ្មីមួយទៀតគឺច្រក៤៧ នៅឃុំអូរបីជាន់ ក្នុងស្រុកអូរជ្រៅ ដើម្បីឲ្យប្រជាពលរដ្ឋ ខ្មែរ ថៃ បានដោះដូរទំនិញ រវាងខេត្តជាប់ព្រំដែន។ នេះបើតាមគេហទំព័រអគ្គស្នងការដ្ឋាននគរបាលជាតិបានចុះផ្សាយនៅថ្ងែទី ២៩ កក្កដា ឆ្នាំ ២០១៧។
ច្រក៤៣ឬ ច្រកអូរបីជាន់ ស្ថិតនៅឃុំអូរបីជាន់ស្រុកអូរជ្រៅ ខេត្តបន្ទាយមានជ័យនៅ ចន្លោះរវាងច្រកអន្តរជាតិប៉ោយប៉ែត និងច្រកបឹងត្រកួន៕
ហូរ តុងហាន់
