សាលារាជធានីភ្នំពេញបានចេញសេចក្តីជូនដំណឹងថា ផ្លូវមួយចំនួនត្រូវបិទ និងផ្លូវមួយចំនួនទៀត ត្រូវបិទការធ្វើដំណើរតាមម៉ោងពេល ចាប់ពីថ្ងៃទី១ដល់ថ្ងៃទី៥ ខែវិច្ឆកា ដើម្បីរៀបចំសណ្តាប់ធ្នាប់ក្នុងពិធីបុណ្យអុំទូកដែលប្រព្រឹត្តទៅចាប់ពីថ្ងៃទី២ដល់ថ្ងៃទី៤ខែវិច្ឆិកា។
សេចក្តីជូនដំណឹងចុះថ្ងៃទី៣០ខែតុលាបានឲ្យដឹងថា រថយន្តធំរួមទាំងរថយន្តដឹកស៊ីម៉ង់ និងរថយន្តដឹកទំនិញផ្សេងៗ ហាមបើកចូលរាជធានីចាប់ពីថ្ងៃទី១ដល់ថ្ងៃទី៥ខែវិច្ឆិកា។ ចំណែកការដ្ឋានសំណង់នានា ក៏តម្រូវឲ្យផ្អាកការសាងសង់ ក្នុងចន្លោះពេលពីថ្ងៃទី១ដល់ថ្ងៃទី៥ខែវិច្ឆិកាដែរ។
ប្រភេទរថយន្តឈ្នួល ដឹកអ្នកដំណើរ និងម៉ូតូសណ្តោងរ៉ឺម៉ក មិនឲ្យចូលរាជធានីចាប់ពីម៉ោង១០ព្រឹកដល់ម៉ោង១០យប់។
សម្រាប់ផ្លូវសំខាន់ៗពីខេត្តចូលរាជធានីភ្នំពេញគឺផ្លូវជាតិលេខ១ រថយន្តត្រូវចតនៅក្នុងវត្តនិរោធរង្ស៊ី និង ចំណតច្បារអំពៅ តាមផ្លូវជាតិលេខ២ត្រូវចតនៅចំណតចាក់អង្រែក្រោម និងបរិវេណអនុវិទ្យាល័យចាក់អង្រែ រថយន្តធ្វើដំណើរតាមផ្លូវជាតិលេខ៣និងលេខ៤គឺរថយន្តធំឈប់នៅរង្វង់មូលចោមចៅ រីឯរថយន្តតូច និង ម៉ូតូសណ្តោងរ៉ឺម៉កឈប់ចតមិនឲ្យហូលស្តុបណតប្រ៊ឺត ផ្លូវជាតិលេខ៥រថយន្តធំចតនៅគីឡូម៉ែត្រលេខ៩ ផ្លូវជាតិលេខ៦ រថយន្តធំចតនៅចំណតព្រែកលៀប៕
