ព័ត៌មានថ្ងៃនេះ ​ក្រសួង​ធនធានទឹក​រកឃើញថា​កម្ពុជា​នឹង​មាន​ភ្លៀង​ធ្លាក់​គំហុក​ក្រោយ​ចូលឆ្នាំ​ខ្មែរ​​អ្នកភូមិ​នៅ​ជនបទ​ដាច់​ស្រ​យាល​ក្នុង​ខេត្ដសៀមរាប​ត្អូញត្អែរពិ​បាករក​សេវាសាធារណៈ​​លោក ហ៊ុន សែន​៖ ពង្រីក​ការកាត់ទោស​មេដឹកនាំ​ខ្មែរក្រហម​នាំឲ្យ​មាន​សង្គ្រាម​ជា​ថ្មី​​គណៈកម្មការ​ទី​១​នៃ​រដ្ឋសភា​ស្នើ​ឲ្យ​លោក ហ៊ុន សែន អន្តរាគមន៍​ទំនាស់​ដី​នៅ​ខេត្ត​ក្រចេះ​​មេដឹកនាំ​បក្សប្រឆាំង​នៅ​ម៉ាឡេស៊ី​ចោទសួរ​ពី​ទ្រព្យសម្បត្តិ​របស់​គ្រួសារ​នាយករដ្ឋមន្ត្រី​ណា​ជិប​លោក សម រង្ស៊ី និង​លោក កឹម សុខា នឹង​ជួប​ជាមួយ​លោក ស ខេង ពិភាក្សា​កំណែ​ទម្រង់​បោះឆ្នោត​ក្រសួង​រៀបចំ​ដែនដី​រំឭក​អាជ្ញាធរ​ពី​វិធានការ​ទប់ស្កាត់​សំណង់​ខុសច្បាប់​ACU​ បង្ហាញ​សៀវភៅ​ណែនាំ​កម្មវិធី​ប្រឆាំង​អំពើពុករលួយ សម្រាប់​ធុរកិច្ច​នៅ​កម្ពុជា​ទៅ​វិស័យ​ឯកជន​សត្វកណ្ដុរមួយឡានគ្រោងដឹកទៅប្រទេសវៀតណាម (វីដេអូ)ACU គ្រោងបោះពុម្ពសៀវភៅណែនាំស្ដីពីកម្មវិធីប្រឆាំងអំពើពុករលួយសម្រាប់ធុរកិច្ចនៅកម្ពុជា (វីដេអូ)

ថ្ងៃសុក្រ ទី27 កុម្ភៈ 2015
អំពីវីអូឌី | ទំនាក់ទំនង
ព័ត៌មានថ្មីបំផុត          

ព័ត៌មានក្នុងប្រទេស

​ក្រសួង​ធនធានទឹក​រកឃើញថា​កម្ពុជា​នឹង​មាន​ភ្លៀង​ធ្លាក់​គំហុក​ក្រោយ​ចូលឆ្នាំ​ខ្មែរ​

ថ្ងៃសុក្រ ទី27 កុម្ភៈ 2015 | 36 នាទី មុន

​ក្រសួង​ធនធានទឹក និង​ឧតុនិយម ព្យាករ​ថា កម្ពុជា​នឹងរង​ឥទ្ធិពល​ខ្យល់មូសុង​ឦសាន​ និង​ជ្រលង​សម្ពាធ​ខ្ពស់​ពី​ប្រទេស​ចិន ដែល​ធ្វើឲ្យ​មាន​ភ្លៀង​ធ្លាក់​ខ្លាំង ក្រោយ​ចូលឆ្នាំ​ខ្មែរ ពិសេស​ខេត្ត​មួយចំនួន​នៅ​ជាប់​មាត់សមុទ្រ​ ។​ ​ពលរដ្ឋ​ខ្មែរប្រា​រព្ធ​ពិធី​បុណ្យចូលឆ្នាំនៅ​ខែ​ចេត្រ ត្រូវ​នឹង​ចន្លោះ​ពី​ថ្ងៃ​ទី​១៣​ ដល់​ទី​១៦ ​ខែ​មេសា​ ។​ ​ក្រសួង​ធនធានទឹក ​និង​ឧតុនិយម បាន​ជូន​ដំណឹង​នៅ​ថ្ងៃទី​២៧ ​ខែ​កុម្ភៈឲ្យដឹងថា សីតុណ្ហភាព​នៅ​មហាសមុទ្រ​ប៉ាស៊ីហ្វិក​ត្រង់ចំណុច​ខ្សែ​អេក្វាទ័រ នា​ឆ្នាំ​២០១៥​នេះ​មាន​កម្រិត​ទាប​ជា​មធ្យម​ភាគច្រើន​ប្រចាំឆ្នាំ​ ។​

[អានបន្ត]
​អ្នកភូមិ​នៅ​ជនបទ​ដាច់​ស្រ​យាល​ក្នុង​ខេត្ដសៀមរាប​ត្អូញត្អែរពិ​បាករក​សេវាសាធារណៈ​

ថ្ងៃសុក្រ ទី27 កុម្ភៈ 2015 | 49 នាទី មុន

​ប្រជាពលរដ្ឋ​នៅ​ជនបទ​ដាច់​ស្រ​យ៉ាល ក្នុង​ឃុំ​ខ្វាវ ស្រុក​ជីក្រែង ខេត្ដ​សៀមរាប ត្អូញត្អែរថាពួក​គេ​ពិបាក​ធ្វើ​សំបុត្រ​កំណើត​ឲ្យ​កូនៗ និង​សៀវភៅ​គ្រួសារដោយសារ​តែ​មន្ដ្រី​នៅ​មូលដ្ឋាន​នោះលើកឡើងថា មិន​មាន​ក្រដាស​សម្រាប់​បំពេញការងារ​ ។​ ពលរដ្ឋ​មួយរូប​នៅ​ភូមិ​ស្រែ​ក្រសាំង ឃុំ​ខ្វាវ ស្រុក​ជីក្រែង ដែល​មាន​ចម្ងាយ​ពី​សាលាឃុំ​ជា​ង​១០​គីឡូម៉ែត្រ លោក អ៊ុច ប្រុស ឲ្យ​ VOD ​ដឹង​នៅ​ថ្ងៃនេះ​ថា ប្រជាពលរដ្ឋ​នៅ​តំបន់​នោះ ភាគច្រើន​មិន​មាន​សំបុត្រកំណើត សម្រាប់​សំគាល់​អត្ដ​សញ្ញាណ​នោះទេដោយសារ​ពួកគេ​ពិបាក​ធ្វើ​ ។  លោក​បន្ដថា កូន​របស់​លោក​ពីរ​នាក់ បាន​ព្យាយាម​ធ្វើ​សំបុត្រ​កំណើត​ជាច្រើន​លើក​មក​ហើយ ប៉ុន្ដែ​មិន​ទទួលបាន​លទ្ធផល​ឡើយ ដោយ​មន្ដ្រី​អត្រា​នុកូល​ដ្ឋា​ន​តែង​ប្រាប់ថាមិន​មាន​ក្រដាស ។ 

[អានបន្ត]
​លោក ហ៊ុន សែន​៖ ពង្រីក​ការកាត់ទោស​មេដឹកនាំ​ខ្មែរក្រហម​នាំឲ្យ​មាន​សង្គ្រាម​ជា​ថ្មី​

ថ្ងៃសុក្រ ទី27 កុម្ភៈ 2015 | 59 នាទី មុន

​នាយករដ្ឋមន្ត្រី ហ៊ុន សែន រិះគន់​សាលាក្តី​ខ្មែរក្រហម​ករណី​ពង្រីក​វិសាលភាព​ក្នុង​ការកាត់ទោស ធ្វើឲ្យ​អតីតមន្ត្រី​ក្នុងសម័យ​ខ្មែរ​ក្រហម​មាន​ការភ័យខ្លាច ហើយ​អាច​រត់​ចូល​ព្រៃ​នាំឲ្យ​មាន​សង្គ្រាម​ស៊ីវិល​ជា​ថ្មី​ទៀត​។​ ​លោកនាយក​រដ្ឋមន្ត្រី ថ្លែង​បែប​នេះ​ធ្វើឡើង​ក្នុង​សន្និសីទ​អន្តជាតិ ស្ដី​ពី​ការទទួលខុសត្រូវ​ក្នុង​ការការពារ​មនុស្ស​ជាតិ​ដើម្បី​វឌ្ឍនភាព បញ្ហា​ប្រឈម និង​កាលានុវត្តភាព​នៅ​តំបន់​អាស៊ី​ប៉ាស៊ីហ្វិក​លើក​ទី​១០ នៅ​ថ្ងៃ​ទី​២៦ ខែ​កុម្ភៈ ឆ្នាំ​២០១៥​។ លោក​បង្ហាញ ការព្រួយបារម្ភ​ចំពោះ​ការពង្រីក​វិសាលភាព​នេះ  ដែល​អាច​ធ្វើ​ឲ្យ​មេដឹកនាំ​ខែ្មរ​ក្រហម​មួយ​ចំនួន​អាច​នឹង​ងើបឡើង​តស៊ូ​បង្ក​ឲ្យមាន​ការកើត​សង្គ្រាមស៊ីវិល​ម្ដងទៀត ។

[អានបន្ត]
​គណៈកម្មការ​ទី​១​នៃ​រដ្ឋសភា​ស្នើ​ឲ្យ​លោក ហ៊ុន សែន អន្តរាគមន៍​ទំនាស់​ដី​នៅ​ខេត្ត​ក្រចេះ​

ថ្ងៃសុក្រ ទី27 កុម្ភៈ 2015, 04:28 PM

​គណៈកម្មការ​ទី​១​នៃ​រដ្ឋសភាស្នើ​ឲ្យ​លោក ហ៊ុន សែន ពិនិត្យ​និង​ស៊ើបអង្កេត​ករណី​បែងចែក​ដី​សម្បទាន​សង្គម​កិច្ច​ទំហំជាង​៣០០០​ហិកតា​នៅ​ស្រុក​ឆ្លូង ខេត្ត​ក្រចេះ ជូន​ប្រជាពលរដ្ឋ ខណៈ​មាន​ការ​ចោទថា ការបែងចែក​ដី​របស់​អាជ្ញាធរខេត្ត​មាន​ភាពមិនប្រក្រតី ។​ ​ការស្នើ​នេះ​ធ្វើឡើង​តាមរយៈលិខិត​របស់​គណៈកម្មកា​រ​សិទ្ធិមនុស្ស ទទួល​ពាក្យបណ្តឹង​អង្កេត​ និង​ទំនាក់ទំនង​រដ្ឋសភា ព្រឹទ្ធសភា តាមរយៈ​ប្រធានរដ្ឋសភា​លោក ហេង សំរិន ទៅកាន់លោកនាយក​រដ្ឋមន្ត្រី​ហ៊ុន​សែន​ចុះ​ថ្ងៃទី​១៧ ខែ​កុម្ភៈ ឆ្នាំ​២០១៥ ។  ​ក្នុង​លិខិ​តឲ្យដឹងថាកាលពី​ឆ្នាំ​២០១២ រដ្ឋាភិបាល​បាន​សម្រេច​កាត់​ដី​ដែល​មាន​ជម្លោះ​នៅ ស្រុក​ឆ្លូង​នោះ​ផ្តល់ឲ្យ​ប្រជាពលរដ្ឋ ប៉ុន្តែ​រហូត​ដល់​ពេល​នេះ​អាជ្ញាធរខេត្ត​បែរជា​យក​ទៅ​ប្រគល់ឲ្យអ្នកផ្សេងៗ ហើយ​បណ្តេញ​ប្រជាពលរដ្ឋ​ចំនួន​៩៩៨​គ្រួសារ​ចេញពី​ដី​នោះ ។​

[អានបន្ត]
លោក សម រង្ស៊ី និង​លោក កឹម សុខា នឹង​ជួប​ជាមួយ​លោក ស ខេង ពិភាក្សា​កំណែ​ទម្រង់​បោះឆ្នោត

ថ្ងៃសុក្រ ទី27 កុម្ភៈ 2015, 03:02 PM

មន្រ្តីគណបក្ស​សង្រ្គោះជាតិឲ្យ​ដឹងថា​ក្រុមការងារ​គណបក្ស​សង្រ្គោះជាតិ​ដែល​ដឹកនាំ​ដោយ​ប្រធាន​គណបក្ស​ លោក សម រង្ស៊ី នឹង​ជួប​ជាមួយ​ក្រុម​ការងារ​គណបក្ស​ប្រជាជន​កម្ពុជា ដែល​ដឹកនាំ​ដោយ​លោក ស ខេង នៅ​ថ្ងៃ​សៅរ៍​ស្អែកនេះ ដើម្បីពិភាក្សា​ពី​កំណែ​ទម្រង់​ការ​បោះឆ្នោត។​ ជំនួប​នេះ​ត្រូវ​បាន​ធ្វើ​ឡើង​ក្រោយ​ពេល​ដែល​លោក​នាយករដ្ឋមន្រ្តី ហ៊ុន សែន ព្រមាន​ប្រើ​ច្បាប់​បោះឆ្នោត​ចាស់​ ប្រសិន​បើការពិភាក្សា​កំណែ​ទម្រង់​នៃ​ការបោះឆ្នោត​ត្រូវ​ជាប់​គាំង។​ ​តំណាងរាស្ត្រ​គណបក្ស​សង្គ្រោះ​ជាតិ លោក អេង ឆៃអ៊ាង ប្រាប់​ VOD នៅ​ថ្ងៃ​សុក្រ​នេះ​ថា​ក្រុមការងារ​របស់​គណបក្ស ​មាន​លោក សម រង្ស៊ី លោក កឹម សុខា និង​លោក យឹម សុវណ្ណ នឹង​ជួប​ជាមួយ​ក្រុម​ការងារ​​គណបក្ស​ប្រជាជន​កម្ពុជា​ រួមមាន​​លោក ស ខេង លោកស្រី ម៉ែន សំអន និង​លោក​ គាត ឈន់ ។​ ជំនួប​នេះ​នឹង​ត្រូវ​ធ្វើ​ឡើង​នៅ​វេលា​ម៉ោង​៤​រសៀល ថ្ងៃសៅរ៍ នៅ​វិមាន​រដ្ឋសភា។ ចំណុច​មួយ​ចំនួន​ដែល​គណបក្ស​ទាំងពីរ​មិន​ទាន់​ឯក​ភាពគ្នា ចំណុច ​ដែល​មិន​ទាន់​ឯកភាពគ្នា​នោះ​មាន​ដូច​ជា​មាត្រា​៦ថ្មី​នៃ​ជំពូក​​ទី ​២​ចែង​អំពី​ការ​កំណត់​អាសនៈ​រដ្ឋសភា សកម្មភាព​នៃ​ការ​​ឃោសនា​បោះឆ្នោត​ រយៈ​ពេល​នៃ​យុទ្ធនាការ​ឃោសនា​ដែល​គណបក្ស​ប្រជា​ជន​កម្ពុជា​ត្រូវ​ការ​២១ថ្ងៃ តែ​គណបក្ស​សង្រ្គោះជាតិ​ចង់​បាន​២៥ថ្ងៃ។ ចំណុច​ផ្សេងៗ​ទៀត​រួម​មាន​ប្រព័ន្ធ​ផ្សព្វផ្សាយព័ត៌មាន​អប់រំអ្នក​បោះឆ្នោត​ របស់រដ្ឋ ដោយ​គណបក្ស​ប្រជាជន​ចង់​រក្សា​ខឹ្លមសារដដែល​ តែ​សង្រ្គោះ​ជាតិ​ស្នើ​កែ​សម្រួល​តម្រូវ​ឲ្យ​ប្រព័ន្ធផ្សព្វ​ផ្សាយ​ ព័ត៌មានរបស់​រដ្ឋចុះ​ផ្សាយ​គ្រប់​ព័ត៌មាន​តាម​ការ​កំណត់​​ម៉ោង និង​ពេលវេលា ដែល​ស្នើ​ដោយគណៈ​កម្មាធិការ​ជាតិ​រៀបចំ​ការ​បោះឆ្នោត​(​គជប)។ កំណត់ហេតុ ​ឲ្យ​ដឹង​ទៀត​ថាគណបក្ស​សង្រ្គោះជាតិ​បាន​​ស្នើ​សម្រួលពាក្យ​ «ជួល»​ទៅ​ជា​ពាក្យ​សុំ​ប្រើ​ប្រាស់​ដោយ​មិន​យកថ្លៃ ចំពោះមណ្ឌល​កីឡា ឧទ្យាន​សាធារណៈ និង​បន្ថែម​ពាក្យ​ទីធ្លា​សាធារណៈ។ គណបក្ស​សង្រ្គោះជាតិ​បាន​​គាំទ្រ​ឲ្យ​មន្រ្តីរាជការ​ស៊ីវិល​ និង​អាជ្ញាធរ​ដែន​ដី​គ្រប់​លំដាប់ថ្នាក់​ អាច​ចូលរួម​​ក្នុង​យុទ្ធនាការ​ឃោស​នា​បន្ទាប់​ពី​ម៉ោងធ្វើ​ការងារ ដោយ​ឡែក​ចំពោះ​កង​យោធ​ពល​ខេម​រ​ភូមិន្ទ នគរ​បាល​ជាតិ និង​មន្រ្តីតុលាការ មិន​ត្រូវ​បាន​អនុញ្ញាត​ចូល​រួម​យុទ្ធ​នាការ​ឃោសនា​ឡើយ។​ ប៉ុន្តែ​គណបក្ស​ប្រជាជន​កម្ពុជា​ចង់ឲ្យ​មន្រ្តីរាជការ​ទាំងអស់​ រួម​ទាំង​កង​យោធ​ពល​ខេម​រ​ភូមិន្ទ នគរ​បាល​ជាតិ និង​មន្រ្តីតុលាការ អា​ចចូលរួម​សកម្មភាព​ឃោសនា​បាន។​ កំណត់​ហេតុ​បន្ត​ថា​គណបក្ស​ប្រជាជន ​កម្ពុជា​ចង់​ឲ្យ​​អង្គការ​មិន​មែន​ រដ្ឋាភិបាល​ឬ​សមាគមក្នុង​ស្រុក អន្តរជាតិ ប្រកាន់​​ជំហរ​អព្យាក្រឹត​ភាព ​ឥតលម្អៀង ក្នុង​ពេល​អំឡុង​ពេល​បោះឆ្នោត ពេល​រាប់​សន្លឹក​ឆ្នោត និង​ការ​ប្រកាស​លទ្ធផល។ ប៉ុន្តែ​គណបក្ស​សង្រ្គោះជាតិ​បាន​ស្នើ​លុប​ចោល​ខ្លឹម​សារ​នៃ​មាត្រា​១៣៧ដែល​ កំហិត​ទៅ​លើ​សង្គម​ស៊ីវិល​នេះ​ចេញ​​ទាំងស្រុង។ គួរ​រំឮក​ថា កាលពីថ្ងៃ​ពុធ​ លោកនាយករដ្ឋមន្រ្តី ហ៊ុន សែន បាន​ស្នើ​ដាក់​ចំណុច​មួយ​ក្នុង​ច្បាប់​ដែល​ចែង​ពីកា​រ​បោះ​បង់​អាសនៈ ​ ប្រសិន​បើ​តំណាងរាស្រ្ត​មិន​ចូល​ប្រជុំ​តាម​ការ​កោះអញ្ជើញ​របស់​ព្រះមហាក្សត្រ។​ លោក ហ៊ុន សែន បាន​ថ្លែង​ណែនាំឲ្យ​លោក​ ស ខេង ​ដាក់បញ្ចូលចំណុចថាប្រសិន​អ្នក​តំណាង​រាស្ត្រណាមិនចូលសភាតាមការកោះអញ្ជើញរបស់​​ព្រះ​មហាក្សត្រ ចាត់ទុកថាអ្នក​តំណាង​រាស្ត្រ​នោះបានបោះបង់អាសនៈរបស់ខ្លួនចោល។​ លោក​បន្ត​ថា​​គណៈ​កម្មា​ធិការ​ជាតិ​រៀប​ចំ​ការ​បោះឆ្នោត​(គជប) ត្រូវជ្រើសរើសអ្នក​​តំណាង​រាស្ត្រដែល​មានសំឡេងឆ្នោត​របស់គណបក្សនយោបាយផ្សេងទៀតមក​ដាក់ជំនួសវិញ នៅ​ពេល​​គណបក្ស​នយោយបាយ​មិន​ចូល​រួម​ប្រជុំ​​សភាក្រោយ​ការ​បោះឆ្នោត។​ រហូត​មក​ដល់​ពេល​នេះ ក្រុម​ការងារ​វិសោធន​កម្ម​ច្បាប់​បោះឆ្នោត​​របស់​គណបក្ស​ប្រជា​ជន​កម្ពុជា និង​គណបក្ស​សង្រ្គោះជាតិបាន​សម្រេច​កំណត់​ហេតុ​រួម​គ្នាមួយ​ ដោយ​ក្នុង​នោះ​ដាក់​មាត្រា​ចំនួន​១០​ដែល​មិន​ទាន់​ឯកភាពគ្នា​ទៅ​ថ្នាក់​ដឹកនាំកំពូល​ដើម្បី​សម្រេច។​ ក្រុម​ការងារគណបក្ស​ទាំង​២​​​បានពិភា​ក្សា​១៣៨មាត្រា​ ហើយ​ចំណុច​ដែល​​ក្រុម​ការងា​រនៃ​គណបក្ស​ទាំងពីរ​បាន​ឯកភាព​គ្នា​រក្សា​ខ្លឹមសារដើម​មាន​ចំនួន​១១០​មាត្រា។ ​ចំណុច​ដែល​​​ក្រុម​ការងារ​នៃ​គណបក្ស​ទាំង២​បាន​ឯកភាពគ្នា​កែ​សម្រួល​ខ្លឹម​សារ​មាន​ចំនួន​១៨មាត្រា ស្មើ​នឹង​៣០​ចំណុច និង​១០​មាត្រា​ ស្មើនឹង​​១០​ចំណុច​ ​មិន​ទាន់​ឯកភាពគ្នានៅ​ឡើយ​ទេ​។​ គួរ​រំឮកថា​គណបក្ស​ប្រជាជន​កម្ពុជា និង​គណបក្ស​សង្រ្គោះជាតិ បាន​សម្រេច​កិច្ច​ព្រម​ព្រៀង​នយោបាយ​មួយ​កាល​ពី​ថ្ងៃ​ទី​២២ ​ខែ​កក្កដា ឆ្នាំ​២០១៤ ដោយ​ឯកភាព​គ្នា​ក្នុង​ការ​កែ​ទម្រង់​ការ​បោះឆ្នោត ដើម្បីធានា​ថា​ការ​បោះឆ្នោត​លើក​ក្រោយ​អាច​ទុក​ចិត្ត​បាន​ និង​ពុំមាន​ការ​តវ៉ា​ពី​គណបក្ស​នយោបាយ​ផ្សេង​ទៀត​៕  សរសេរមកកាន់លោក ស៊ុន ណារិន តាមរយៈsun_narin@vodhotnews.com

[អានបន្ត]
​ក្រសួង​រៀបចំ​ដែនដី​រំឭក​អាជ្ញាធរ​ពី​វិធានការ​ទប់ស្កាត់​សំណង់​ខុសច្បាប់​

ថ្ងៃសុក្រ ទី27 កុម្ភៈ 2015, 01:22 PM

ក្រសួង​រៀបចំ​ដែនដី នគរូបនីយកម្ម និង​សំណង់ រំឭក​អាជ្ញាធរ​ដែនដី ឲ្យ​រួម​គ្នា​ទប់ស្កាត់​ការដ្ឋាន​សាងសង់​សំណង់​ខុសច្បាប់ ដោយ​អនុលោម​តាម​បទដ្ឋាន​គតិយុត្តនានារបស់​រាជរដ្ឋាភិបាល ក្នុង​បំណង​គ្រប់គ្រង​វិស័យ​សំណង់​ប្រកបដោយ​គុណភាព ។​ ​សេចក្តីជូនដំណឹង​របស់​ក្រសួង​ ចុះ​ថ្ងៃ​ទី​២៦ ខែ​កុម្ភៈ ឆ្នាំ​២០១៥​ឲ្យដឹងថា កន្លង​ទៅ​រាជរដ្ឋាភិបាល​បាន​ដាក់ចេញ​នូវ​លិខិត​បទដ្ឋាន​គតិ​យុត្តជាច្រើន ដើម្បី​គ្រប់គ្រង​វិស័យ​សំណង់ ។​ លិខិត​របស់​ក្រសួង​បញ្ជាក់ថា ដើម្បីឲ្យ​ការអនុវត្ត​មាន​ប្រសិទ្ធភាព ទី​១. រាល់​ការសាងសង់ ត្រូវ​មាន​ច្បាប់​អនុញ្ញាត និង​លិខិត​បើក​ការដ្ឋាន ។ ទី​២. ម្ចាស់​សំណង់​ត្រូវ​ជួល​តែ​ក្រុមហ៊ុន​សាងសង់ ឬ​ក្រុម​ជាង ដែលមានបញ្ជី​ត្រឹមត្រូវ និង​មាន​វិញ្ញាបនបត្រធានារ៉ាប់រង​ការដ្ឋាន និង​ទី​៣​អាជ្ញាធរ​គ្រប់​ផ្នែកត្រូវ​សហការ​គ្នាតាមដាន​គ្រប់​ការដ្ឋាន​សាងសង់​ឲ្យ​ប្រព្រឹត្ត​ទៅ​ស្របតាម​ច្បាប់ និង​លិខិត​បទដ្ឋាន​គតិយុត្ត​ជា​ធរមាន ។​

[អានបន្ត]
ACU​ បង្ហាញ​សៀវភៅ​ណែនាំ​កម្មវិធី​ប្រឆាំង​អំពើពុករលួយ សម្រាប់​ធុរកិច្ច​នៅ​កម្ពុជា​ទៅ​វិស័យ​ឯកជន​

ថ្ងៃសុក្រ ទី27 កុម្ភៈ 2015, 12:58 PM

អង្គភាព​ប្រឆាំង​អំពើពុករលួយ​នៅ​ថ្ងៃ​សុក្រ​នេះ​ដាក់​បង្ហាញ ”​សៀវភៅ​ណែនាំ​កម្មវិធី​ប្រឆាំង​អំពើពុករលួយ សម្រាប់​ធុរកិច្ច​នៅ​កម្ពុជា​” ដើម្បី​ឲ្យ​វិស័យ​ឯកជន​យក​ទៅ​ពង្រឹង​វប្បធម៌​ធុរកិច្ច​ស្អាតស្អំ ប្រកួតប្រជែង​ជាមួយ​ដៃគូ​ប្រកបដោយ​ស្មើភាព យុត្តិធម៌ នៅក្នុង​សង្គម ។  ការបង្ហាញ ”​សៀវភៅ​ណែនាំ​កម្មវិធី​ប្រឆាំង​អំពើពុករលួយ សម្រាប់​ធុរកិច្ច​នៅ​កម្ពុជា​” នេះ អង្គភាព​ប្រឆាំង​អំពើពុករលួយ​បាន​សហការ​ជាមួយ​ក្រុមហ៊ុន​ព្រូដិ​ន​សល (​ខេ​ម​បូឌា​) ឡាយហ៍ អឹស​សួរិន ធ្វើឡើង នៅ​រាជធានី​ភ្នំពេញ ដោយ​មាន​តំណាង​វិស័យ​ឯកជន​ចូលរួម ដូចជាក្រុមហ៊ុន សមាគម សភាពាណិជ្ជកម្ម ក្រុមការងារ​វិស័យ​ឯកជន​ប្រមាណ​៨០​នាក់ ។​

[អានបន្ត]
​វិភាគ​៖ ការចុះ​សិក្សា​នៅ​តំបន់​អា​រ៉ែ​ង​អាចជា​ឱកាស​ឲ្យ​ឈ្មួញ​បាន​ប្រយោជន៍​ពី​ធនធាន​ទាំងនោះ​?

ថ្ងៃសុក្រ ទី27 កុម្ភៈ 2015, 11:55 AM

​លោកនាយក​រដ្ឋមន្ត្រី ហ៊ុន សែន បានប្រកាសថា គ្មាន​ទេ​ការសាងសង់​ទំនប់​វា​រី​អគ្គិសនី​នៅ​តំបន់​អា​រ៉ែ​ង នៅ​ខេត្ត​កោះកុង​ក្នុង​អាណត្តិ​ទី​៥​នេះ ដោយ​ទាមទារ​ឲ្យមាន​ការចុះ​សិក្សា​ពី​ផលប៉ះពាល់​បន្ថែម​ទៀត​នៅ​តំបន់​ដែល​សំបូរ​ធនធានធម្មជាតិ​ដ៏​សំខាន់​មួយ​នេះ ។​ ​ការអះអាង​របស់​នាយ​ក​រដ្ឋមន្ត្រី​ធ្វើ​ឡើង​ស្របពេល​ដែល​សកម្មជន​តំបន់​អា​រ៉ែ​ង លោក អា​ឡិច​ហ្សង់​ដ្រូ ហ្គន់​សា​ឡេស ដេ​វិតសិន​(Alejandro Gonzalez Davidson)  ត្រូវ​បាន​បណ្តេញ​ចេញ​កម្ពុជា ដោយ​រដ្ឋាភិបាល​ចោទថា ជនជាតិ​អេ​ស្ប៉ាញ​រូបនោះ​បាន​រារាំង​ការ​អភិវឌ្ឍ​នៅ​តំបន់​អា​រ៉ែ​ង ។​ យ៉ាងនេះក្តី ក្រុម​អ្នកឃ្លាំមើល​បរិស្ថាន​នៅ​តំបន់​អា​រ៉ែ​ង​យល់ថា បើ​ទោះ​ជា​មិន​ទាន់​អនុញ្ញាត​ឲ្យមាន​ការសា​ង​សង់​ទំនប់​វា​រី​អគ្គិសនី​នៅ​តំបន់​អា​រ៉ែ​ង​នៅ​អាណត្តិ​នេះ​ក៏​ដោយ ប៉ុន្តែ​ពួកគេ​បារម្ភ​ថា ការចុះ​សិក្សា​ពី​ផលប៉ះពាល់​នៃ​គម្រោង​វា​រី​អគ្គិសនី​នោះ​តំបន់​នោះ អាច​ជា​ឱកាស​មួយ​ឲ្យ​ឈ្មួញ​ឆ្លៀត​កាប់​ឈើ និង​ទាញ​យក​ធនធានធម្មជាតិ​ផ្សេងទៀត ។​

[អានបន្ត]
ACU៖​មិនមាន​ការលួច​​លក់​ដីនៅតំបន់​អានសេះ​ ដូច​ការ​ចោទប្រកាន់​របស់​កូន​​ទាហាន

ថ្ងៃសុក្រ ទី27 កុម្ភៈ 2015, 11:21 AM

អង្គភាពប្រឆំាងអំពើពុករលួយ(ACU)ឲ្យ​ដឹង​ថា​​មេបញ្ជាការអង្គភាពប្រតិបត្ដិការសឹករងព្រះវិហារ លោក សោម បុប្ផារ័ត្ន មិន​បាន​​លួចដីរបស់អង្គភាព​នៅតំបន់អានសេះយក​ទៅ​លក់​ដូច​ការ​ចោទ​ប្រកាន់​របស់​​កូនទាហាននៅ​ខេត្ត​ព្រះវិហារ​នោះ​ទេ។​ សេចក្ដីប្រកាស​ព័ត៌មាន​របស់អង្គភាពប្រឆាំងអំពើពុករលួយ ចេញផ្សាយថ្ងៃទី២៥ ខែកុម្ភៈ ឆ្នាំ២០១៥ ជា​ការ​​ឆ្លើយ​​តប​ទៅ​នឹង​ពាក្យ​បណ្តឹង​របស់​ពល​ទាហានឲ្យដឹងថាបន្ទាប់ពីACUបានទទួល និងត្រួតពិនិត្យលើពាក្យ​​​បណ្ដឹង គួបផ្សំនឹង​ការស្រាវជ្រាវ លោក សោម បុប្ផារ័ត្ន បាន​បំភ្លឺថាដីនៅតំបន់ជាំស្រងាំមានពិតមែន ប៉ុ​ន្ដែជាដីរបស់មេបញ្ជាការយោធពលភូមិភាគទី៤ លោក ជា ម៉ន។ លោកបន្ត​ថា​ដី​នោះ​មានទំហំ៤០x៨០ម៉ែត្រ និង​ត្រូវ​បាន​លក់ក្នុង​តម្លៃ​១២.០០០ដុល្លារសហរដ្ឋអាមេរិក កាលពីឆ្នំា២០០៦។ នៅក្នុងលិខិតរបស់​ACUដដែល លោក សោម បុប្ផារ័ត្ន បញ្ជាក់ទៀតថាថវិកាទាំងនោះត្រូវលោក​ជា ម៉ន បរិ​ច្ចាគ​​យក​មក​កសាង​អង្គភាព គួបផ្សំនឹងថវិកាសប្បុរសជនផ្សេង​ទៀត​ រួមមានកសាងរួមមានពង្រីកសាលប្រជុំ សាងសង់ក្លោងទ្វាថ្មីចូលទីបញ្ជា​ការ និងរបងបេតុងដែលមានប្រវែង១១០ម៉ែត្រ កសាងខឿនដងទង់ជាតិ សួនច្បារបង្គោលភ្លើងខាងមុខសាលប្រជុំប្រវែង១៤៨ម៉ែត្រ កសាងអគារធ្វើអំពីថ្មទំហំ៦x១២ម៉ែត្រ ចំនួន៥ខ្នង អគារឈើ៦x១២ម៉ែត្រចំនួន៨ខ្នង និងឃ្លំាងបេតុង៨x២០ម៉ែត្រចំនួន១ខ្នង។ ACUបញ្ជាក់​ថា​ការចោទប្រកាន់​ថា​អង្គ​ភាព​តំបន់​ប្រតិបត្តិ​ការ​សឹក​រង​ព្រះវិហារ​បាន​​លួច​លក់​ដី​របស់​អង្គ​ភាព​​​នៅ​តំបន់​អាន​សេះ​ ជា​រឿង​មិន​ពិត​ ដោយ​សារ​អង្គ​ភាព​ប្រឆាំងអំពើ​ពុក​រលួយ​រក​ឃើញ​ថា​អង្គភាពដែល​រង​ការ​ចោទ​ប្រកាន់នេះ​ពុំ​មាន​​ដីនៅ​តំបន់​អាន​សេះ​នោះ​ទេ៕ សរសេរមកលោក ឡេង ចាន់រតនា តាមរយៈ cjlengchanratana@gmail.com

[អានបន្ត]
មន្រ្តីក្រសួងយុត្តិធម៌៖ស្រ្តីមានកូន១៥នាក់ និងមានផ្ទៃពោះ១នាក់​នឹងទទួលបានការលើកលែងទោស

ថ្ងៃសុក្រ ទី27 កុម្ភៈ 2015, 10:13 AM

មន្រ្តីក្រសួង​យុត្តិធម៌ ឲ្យ​ដឹង​ថា​ស្ដ្រីមានកូនដែលកំពុងរស់​នៅ​ក្នុងពន្ធនាគារទូទាំងប្រទេសកម្ពុជាចំនួន១៥នាក់ និងស្រី្ដមានផ្ទៃពោះ១នាក់​ នឹងត្រូវបានទទួលការលើកលែងទោស នៅថ្ងៃ០៨ មីនា ខាងមុខនេះ។ ការលើកលែងទោសនេះធ្វើឡើងតាមការសុំព្រះរាជទានទោសរបស់លោកនាយករដ្ឋមន្ដ្រី ហ៊ុន សែន។ លោក គឹម សន្ដិភាព អ្នកនាំពាក្យក្រសួងយុត្តិធម៌ បានប្រាប់VODនៅព្រឹកថ្ងៃសុក្រនេះថាបន្ទាប់ពីមានកិច្ចប្រជុំដឹកនាំដោយរដ្ឋមន្ដ្រីក្រសួងយុត្តិធម៌ កាលពីថ្ងៃ​ព្រហស្បតិ៍​ ក្រសួងបានស្រង់ទិន្នន័យចំនួនស្ដ្រីជាប់ក្នុងពន្ធនាគារ១៦នាក់ ដែលត្រូវដោះលែងនៅថ្ងៃទី០៨ ខែមីនា ដែលជាថ្ងៃទិវានារីអន្ដរជាតិ។ លោកបន្ថែមថាក្នុងចំណោមស្ដ្រីទាំងនោះមានស្ដ្រីដែលមានកូននៅជាមួយ១៥នាក់ និងស្ដ្រីមានផ្ទៃពោះម្នាក់ ដែលនឹងត្រូវដោះលែង ហើយគណៈកម្មការនឹងពិនិត្យលើ​ទិន្នន័យ​របស់ខ្លួនបន្ដៗទៀត។ លោកមានប្រសាសន៍ថា«ស្ដ្រីជាប់ពន្ធធនាគារដែលមានលក្ខខណ្ឌគ្រប់គ្រាន់ដើម្បីស្នើសុំការលើកលែងទោសនោះ មានចំនួន១៦រូប នេះគិតមកដល់ម្សិលមិញនេះ។ ហើយក្នុង១៦រូបនោះ ក្នុងនោះស្ដ្រីដែលមានកូនតូចរស់នៅជាមួយមានចំនួន១៥រូប និងស្ដ្រីដែលមានផ្ទៃពោះមានចំនួនមួយរូប។ ហើយ១៦រូបនេះនឹងរៀបចំធ្វើម៉េចទទួលបានការលើកលែងទោសក្នុងឱកាសថ្ងៃ០៨មីនានេះតែម្ដង»។ អ្នកនាំពាក្យរូបនេះក៏បានបញ្ជាក់ដែរថាស្ដ្រីដែលមានកូនជាប់ក្នុងពន្ធនា​គារមាន​២​ប្រភេទ គឺ​ស្ដ្រីដែលគេនាំយកមកឃុំខ្លួនដោយ​មានក្មេងមកជាមួយតែម្ដង ព្រោះតែពួកគេគ្មានគ្រួសារណាមួយជួយមើលថែក្មេងនោះ​បាន។ ប្រភេទ​ទី​ពីរ​គឺស្ដ្រីមានកូនដែលពួកគេបានឆ្លងទន្លេនៅក្នុងអំឡុងពេលត្រូវបានឃុំខ្លួនក្នុង​ពន្ធនា​គារតែម្ដង។ លោកបន្ដថាស្ដ្រីទាំងនោះត្រូវបានថែទាំងយ៉ាងយកចិត្តទុកដាក់ពីអគ្គនាយក​ដ្ឋាន​ពន្ធនាគារ ដោយនាំយកទៅឆ្លងនៅមន្ដ្រីពេទ្យ ឬសម្ភពបានត្រឹមត្រូវ។ បើតាមលោក គឹម សន្ដិភាព ឲ្យ​ដឹង​ថាគណៈកម្មការបានស្រង់តួលេខ​ស្ដ្រីមាន​ផ្ទៃពោះជាប់ពន្ធនាគារ មាន​​ចំនួន២០នាក់ ហើយស្ដ្រីដែលមានកូនចំនួន៤៤នាក់។ ប៉ុន្តែ​លោក​ថាចំនួននេះមិនទាន់ប្រាកដនៅឡើយទេ គឺត្រូវពិនិត្យផ្ទៀងផ្ទាត់ឡើង​វិញ​។ សូមបញ្ជាក់ថា កាលពីថ្ងៃចន្ទដើមសប្ដាហ៍នេះ ក្នុងពិធីចែក​សញ្ញា​បត្រ​ដល់​និស្សិត​សាកលវិទ្យាល័យ​មួយ​ លោក​នាយករដ្ឋមន្រ្តី ហ៊ុន សែន បានស្នើឲ្យមានការដោះលែង​ស្រ្តី​មាន​ផ្ទៃ​ពោះ និងមានកូន​ នៅ​ទូទាំងប្រ​ទេ​ស ដើម្បី​ធានាថា​កូនៗ​របស់​គេ​មិន​កើត​​ក្នុង​ពន្ធ​នា​គារ។ លោក​បញ្ជាក់​ថា​ការ​ស្នើ​សុំព្រះរាជទាន​ទោស​របស់​លោក​ មិន​មែន​បំពាន​ច្បាប់​នោះ​ទេ​ តែ​ដោយ​​សារ​លោក​មាន​​​អំ​ណាច​​ក្នុង​ការ​សុំ​ព្រះរាជទាន​ទោសនេះ​។​ លោក​ ហ៊ុន សែន បញ្ជាក់​ថា«សុំឲ្យ​អស់​លោក​មួយ​ចំនួន កុំ​ឲ្យ​ថា​ហ៊ុន សែន​ បំពាន​ទៀតណា។ ​មុន​និយាយ​មើល​ច្បាប់​ឲ្យច្បាស់​​។ ខ្ញុំធ្វើ​នាយករដ្ឋមន្រ្តីស៊ីអំបិល​ច្រើន​ជាង​លោក​ឯង​ស៊ីបាយ។ ខ្ញុំស្គាល់​ច្បាប់តើ។ …យោង​តាម​​ច្បាប់​ពន្ធនាគារ​ ឲ្យ​នាយក​រដ្ឋមន្រ្តីមាន​​សិទ្ធិសុំ​​ព្រះរាជទាន​ទោស​ ពេល​ណា​ក៏​បាន​។ ខ្ញុំ​អត់បំពាន​ច្បាប់ទេ»។ ការ​ដោះ​លែង​នេះ​អាច​ធ្វើ​ឡើង​ឲ្យ​បាន​មុនចូល​ឆ្នាំ​ខ្មែរ​ ក្នុង​ខែ​មេសា ប៉ុន្តែ​​​សម្រាប់​ស្រ្តី​ដែល​មាន​ផ្ទៃ​ពោះ​អាច​​​ត្រូវ​ធ្វើ​ឡើង​នៅ​មុន​ ទិវា​សិទ្ធិ​នារី ៨មីនា ខាងមុខនេះ៕​ សរសេរមកកាន់លោក យ៉ា រសាត់ តាមរយៈ rorsart@vodhotnews.com

[អានបន្ត]
Page: 1/813 12345678910>>>

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To