ពលរដ្ឋខ្មែរចំនួន៧៩នាក់ដែលធ្វើដំណើរមកពីប្រទេសឥណ្ឌា ហ្ស៊កដានី ប៉ាគីស្ថាន ដែលជាប់គាំងក្នុងប្រទេសទាំងនោះដោយសារការផ្ទុះឡើងនៃកូវីដ១៩ បានមកដល់ប្រទេសកម្ពុជាហើយបន្ទាប់ពីមានការសម្របសម្រួលពីឯកអគ្គរដ្ឋទូតកម្ពុជាប្រចាំប្រទេសម៉ាឡេស៊ីនិងប្រទេសអេហ្ស៊ីប។
បើតាមការឱ្យដឹងពីលោក កុយ គួង អ្នកនាំពាក្យក្រសួងការបរទេសនៅព្រឹកថ្ងៃទី៣១ ខែកក្កដានេះថា អ្នកដំណើរមកពីប្រទេសទាំង៣បានមកដល់ប្រទេសកម្ពុជានៅព្រឹកថ្ងៃទី៣១នេះ ដោយធ្វើដំណើរតាមជើងហោះហើរចំនួន២ផ្សេងគ្នា។
លោក កុយ គួង បញ្ជាក់ថា ពលករខ្មែរចំនួន២៨នាក់និងទារក១នាក់ គឺធ្វើដំណើរមកពីប្រទេសហ្ស៊កដានីតាមជើងយន្តហោះលេខ 8M1105 និងពលរដ្ឋនិងនិស្សិតចំនួន៥០នាក់ផ្សេងទៀត គឺធ្វើដំណើរមកពីប្រទេសឥណ្ឌានិងប៉ាគីស្ថានតាមជើងហោះហើររបស់ក្រុមហ៊ុនអាកាសចរណ៍ម៉ាឡេស៊ីលេខ MH754៕