ប្រជាសហគមន៍នៅឃុំស្ទឹងកែវ ស្រុកឈូក ខេត្តកំពត សម្ដែងការមិនពេញចិត្តចំពោះអាជ្ញាធរខេត្តនេះដែលសម្រេចកាត់ឆ្វៀលដីរបស់សហគមន៍បន្ថែមទៀត ក្រោមហេតុផលទុកដីបូជាសពអ្នកស្លាប់ដោយសារជំងឺកូវីដ-១៩ ដោយបារម្ភខ្លាចដីសហគមន៍ត្រូវបានគេយកទៅធ្វើជាកម្មសិទ្ធិឯកជន។

ពលរដ្ឋប្រកបរបរស៊ីឈ្នួលនៅឃុំត្រពាំងភ្លាំង ស្រុកឈូក ខេត្តកំពត ត្អូញត្អែរពីការជំពាក់បំណុលធនាគារ និងមិនមានការងារធ្វើនៅអំឡុងផ្ទុះជំងឺកូវីដ-១៩ ដោយសារក្រុមហ៊ុន ផាន់ណាគ្រីគ្រុប បានកិបកេងកម្លាំងពលកម្មនិងមិនបើកព្រមប្រាក់ខែដល់ពួកគេគ្រប់ចំនួន។ 

សកម្មជនបរិស្ថានអះអាងថា ពួកគេនៅតែរងការបំបិទសិទ្ធិសេរីភាពមិនឱ្យចូលរួមរាយការណ៍និងធ្វើសកម្មភាពការពារព្រៃឈើនៅតំបន់ព្រៃឡង់ ហើយថា ការកាប់បំផ្លាញព្រៃឈើកំពុងបន្ដកើតមានឥតឈប់ឈរនិងគ្មានការទប់ស្កាត់ឡើយ។

កម្មការិនីដែលធ្លាប់បម្រើការងារនៅក្រុមហ៊ុនរោងចក្រ អេវើហ្រ្គីន រៀបរាប់ទុក្ខលំបាកទាំងបញ្ហាជីវភាពនិងការជំពាក់បំណុលធនាគារនៅអំឡុងពេលផ្ទុះកូវីដ-១៩ បន្ទាប់ពីរោងចក្រមួយនេះបានបិទទ្វារអស់រយៈពេលជាង៣ឆ្នាំ ដោយពុំទាន់ទូទាត់ប្រាក់សំណងតាមច្បាប់ការងារ។

អ្នកធ្វើការផ្នែកព័ត៌មាន គាំទ្រចំពោះយន្ដការពង្រឹងជំនាញវិជ្ជាជីវៈអ្នកសារព័ត៌មាននាពេលបច្ចុប្បន្ន ប៉ុន្ដែពួកគេបារម្ភថា ការកំណត់ស្ដង់ដារនិងការវាយតម្លៃមិនច្បាស់លាស់ អាចត្រូវបានគេយកទៅប្រើប្រាស់ប្រឆាំងនឹងអ្នកសារព័ត៌មានឯករាជ្យឬអ្នកសារព័ត៌មានហ៊ានផ្សាយរិះគន់រដ្ឋាភិបាល។

អាជ្ញាធរខេត្ដស្វាយរៀងបានអនុវត្តវិធានការទប់ស្កាត់ជំងឺកូវីដ-១៩ ដោយផាកពិន័យជាទឹកប្រាក់ចំនួន៤លានរៀលលើក្រុមអ្នកតវ៉ាសិទ្ធិដីធ្លី ដោយសារពួកគេឈរថតនៅលើវាលស្រែដោយមិនបានពាក់ម៉ាស់ការពារ។

របាយការណ៍អង្គការសង្គមស៊ីវិលបង្ហាញថា សេរីភាពជាមូលដ្ឋាននៅកម្ពុជាបានបន្ដធ្លាក់ចុះនៅប៉ុន្មានឆ្នាំចុងក្រោយ ដោយសារស្ថានភាពនយោបាយតានតឹង ដែលធ្វើឱ្យការចូលរួមរបស់ពលរដ្ឋមានការធ្លាក់ចុះគួរឱ្យកត់សម្គាល់។

សហព័ន្ធសហជីពកម្ពុជា យល់ឃើញថា កិច្ចគាំពារសង្គមឬជំនួយសង្គមដែលរដ្ឋផ្ដល់ជូនដល់កម្មករនិយោជិតនៅមានភាពយឺតយ៉ាវ ហើយមានភាពរើសអើងពីសំណាក់អាជ្ញាធរមូលដ្ឋាន ពិសេសនៅអំឡុងបិទខ្ទប់រាជធានីភ្នំពេញ។

ក្រុមអ្នកមានជម្លោះដីធ្លីនៅខេត្តកំពង់ស្ពឺ បានសម្ដែងការអាឡោះអាល័យនិងស្ដាយស្រណោះស្ដ្រីសកម្មជនសិទ្ធិដីធ្លីម្នាក់ដែលបានទទួលមរណភាព ក្រោយពីតស៊ូនិងលះបង់ទាំងកម្លាំងកាយចិត្តដើម្បីទាមទារកម្មសិទ្ធិដីសហគមន៍។

អង្គការអន្ដរជាតិមួយទាមទារឱ្យអាជ្ញាធរកម្ពុជាដោះលែងអ្នកសារព័ត៌មានឱ្យមានសេរីភាពវិញ បន្ទាប់ពីពួកគេបានផ្សាយព័ត៌មានអំពីជំងឺកូវីដ-១៩ ហើយថា រដ្ឋាភិបាលប្រើលេសនេះដើម្បីបិទមិនឱ្យមានសំឡេងប្រឆាំងនឹងខ្លួន។