អង្គភាពប្រឆាំងអំពើពុករលួយបានប្រកាសថា មន្ត្រីនគរបាលម្នាក់នៅក្រសួងមហាផ្ទៃ ដែលត្រូវបានចាប់ខ្លួន ដោយសារតែដើរប្រមូលលុយពីក្រុមហ៊ុននានាក្នុងរាជធានីភ្នំពេញគ្មានច្បាប់អនុញ្ញាតិនោះថា បានធ្វើឲ្យប៉ះពាល់យ៉ាងធ្ងន់ធ្ងរ ដល់គោលនយោបាយធ្វើកំណែទម្រង់របស់រដ្ឋាភិបាល។
សម្ដេចសង្ឃរាជ ទេព វង្ស នៅថ្ងៃទី០៩ខែមិនានេះ បានបដិសេធថា មិនជាប់ពាក់ព័ន្ធការដឹកជញ្ជូនឈើ ធ្វើស្ពាន និងកន្លែងកំសាន្ដ នៅតំបន់ទេសចរណ៍ធម្មជាតិបឹងពារាំង ខេត្ដសៀមរាបនោះទេ។
អង្គភាពប្រឆាំងអំពើពុករលួយ បានឃាត់ខ្លួនមន្ដ្រីសាលាក្រុងភ្នំពេញចំនួន២នាក់ ដោយសង្ស័យថា មានជាប់ទាក់ទិននឹងការប្រព្រឹត្តអំពើពុករលួយ។
របាយការណ៍ស្ដីពីការវាស់វែងអំពើពុករលួយសម្រាប់ឆ្នាំ២០១៦ របស់អង្គការតម្លភាពកម្ពុជា ដែលចេញផ្សាយនៅថ្ងៃអង្គារទី២៨ខែកុម្ភៈនេះ បង្ហាញថា ក្នុងចំណោមប្រជាពលរដ្ឋ ដែលបានសម្ភាសន៍ចំនួនមួយពាន់បីនាក់ (១ ០០៣នាក់) ភាគច្រើននិយាយថា អំពើពុករលួយក្នុងប្រទេសកម្ពុជានៅតែរីករាលដាលនៅក្នុងស្ថាប័នចំនួន៣ គឺតុលាការមាន៥៩ភាគរយ, ប៉ូលិសមាន៥២ភាគរយ, និងមន្រ្ដីរដ្ឋាភិបាលមាន៤៤ភាគរយ។
របាយការណ៍របស់អង្គការតម្លាភាពអន្តរជាតិថាស្ថានភាពអំពើពុករលួយនៅកម្ពុជាសម្រាប់ឆ្នាំ២០១៦ គឺស្ថិតក្នុងស្ថានភាពមួយដែលអាក្រក់ដដែល និងឈរក្នុងចំណាត់ថ្នាក់ទាបបំផុតក្នុងចំណោមប្រទេសជាសមាជិកអាស៊ាន។
ប្រធានមន្ទីរបរិស្ថាននិងមន្ដ្រីពីររូបទៀតនៅខេត្ដសៀមរាបរងការចោទថា ប្រព្រឹត្ដអំពើពុករលួយ ទាក់ទងទទួលសំណូកប្រចាំខែ ពីការបំផ្លាញធនធានព្រៃឈើនិងជលផលនៅតំបន់ការពារ។
គេហទំព័ររបស់ក្រសួងធម្មការ និងសាសនា បានប្រកាសបិទបន្ទាប់ពីថាមិនបានទទួលលុយឧបត្ថម្ភសម្រាប់បន្តការងាររបស់ខ្លួនជិតមួយឆ្នាំមកនេះ។
គេហទំព័រហ្វេសប៊ុកដែលមានឈ្មោះថា ក្រសួងធម្មការ និងសាសនា បានបង្ហោះសារមួយលើកឡើងថាគេហទំព័រហ្វេសប៊ុកនេះ នឹងត្រូវបិទមួយរយៈ ឬត្រូវបិទទាំងស្រុងផង ក្នុងករណីដែលខ្លួនពុំមានថវិការដើម្បីបន្តការងារខ្លួនបន្តទៀត។
អង្គការមួយដែលធ្វើការប្រឆាំងអំពើពុករលួយអះអាងថា ខ្លួនបានចូលរួមចំណែកកាត់បន្ថយអំពើពុករលួយមួយផ្នែកទៀត ក្រោយពីបានចុះអនុស្សារណៈយោគយល់គ្នាជាមួយនឹងសម្ព័ន្ធសមាគមសហគ្រាសធនតូច និងមធ្យមនៅកម្ពុជា។
អង្គភាពប្រឆាំងអំពើពុករលួយកោះហៅមន្ត្រីក្រសួងអប់រំនិងគ្រូបង្រៀនចំនួន៥រូបឲ្យចូលខ្លួនបំភ្លឺពាក់ព័ន្ធនឹងភាពមិនប្រក្រតីនៅថ្ងៃប្រឡងសញ្ញាបត្រមធ្យមសិក្សាទុតិយភូមិ(ថ្នាក់ទី១២)កាលពីថ្ងៃទី២២និង២៣ខែសីហាកន្លងទៅនេះ។
តំណាងជនជាតិដើមភាគតិចនៅខេត្ដព្រះវិហារប្រតិកម្មតបនឹងកញ្ញា ធី សុវណ្ណថា ដែលលើកឡើងថាការបាត់បង់ព្រៃឈើកន្លងមក ដោយសារពលរដ្ឋនៅតំបន់ព្រៃជាអ្នកកាប់បំផ្លាញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
