សាលាដំបូងរាជធានីភ្នំពេញ បានបញ្ជូនខ្លួនឧត្ដមសេនីយ៍ផ្កាយ៣ លោកឧកញ៉ា ឌួង ងៀប ទៅឃុំខ្លួននៅពន្ធនាគារភ្លាមៗនៅថ្ងៃចន្ទនេះ ក្រោយពីសមត្ថកិច្ចចាប់ខ្លួនបាន ដោយចោទប្រកាន់ពីបទ «ឆបោក និង មិនបំពេញកាតព្វកិច្ចចំពោះឧបករណ៍អាចជួញដូរបាន»។
ស្នងការរាជធានីភ្នំពេញ លោក ស ថេត បានអះអាងថា ឧត្ដមសេនីយ៍ឯកផ្កាយ៣ លោកឧកញ៉ា ឌួង ងៀប ត្រូវបានសមត្ថកិច្ចនាំខ្លួនបញ្ជូនទៅកាន់តុលាការនៅព្រឹកថ្ងៃចន្ទនេះ ដើម្បីអនុវត្តតាមនីតិវិធី ជុំវិញបទចោទប្រកាន់ «ឆបោក»។
សាលាដំបូងរាជធានីភ្នំពេញ ប្រកាសថា នឹងបន្តនីតិវិធីលើឧត្ដមសេនីយ៍ផ្កាយ៣ លោកឧកញ៉ា ឌួង ងៀប ដោយសម្អាងថា កុំឱ្យជនត្រូវចោទរូបនេះ គេចវេះពីការទទួលខុសត្រូវចំពោះមុខច្បាប់។
ក្រុមអង្គការសង្គមស៊ីវិលទាមទារឱ្យរដ្ឋាភិបាលចាត់វិធានការលុបបំបាត់អំពើពុករលួយក្នុងប្រព័ន្ធតុលាការឱ្យមានប្រសិទ្ធភាព ដើម្បីធានាយុត្តិធម៌សង្គម ខណៈមានមន្ត្រីផ្កាយ៣ម្នាក់ទម្លាយពីបញ្ហានេះ។
លោកឧត្ដមសេនីយ៍ឯកផ្កាយមាស៣ និងជាឧកញ៉ាមួយរូប លោក ឌួង ងៀប បានលាតត្រដាងពីការទទួលរងភាពអយុត្តិធម៌ពីតុលាការ ទាក់ទងនឹងអំពើពុករលួយមួយចំនួនរវាងដៃគូសហការនិងក្រុមគ្រួសារ ខណៈលោកបានបង្ហោះវីដេអូតាមបណ្ដាញសង្គមហ្វេសប៊ុកដើម្បីស្នើសុំទៅថ្នាក់ដឹកនាំជួយអន្តរាគមន៍ តែគ្មានប្រយោជន៍ឡើយ។
សង្គមស៊ីវិលដែលធ្វើការពាក់ព័ន្ធគណនេយ្យភាពសង្គម និងពលរដ្ឋមួយចំនួន ចង់ឱ្យរដ្ឋាភិបាលប្រកាសទ្រព្យនិងបំណុលរបស់មន្ត្រីតាមក្រសួង-ស្ថាប័នជាសាធារណៈ ជាជាងព័ត៌មាននេះដឹងឮតែក្នុងអង្គភាពប្រឆាំងអំពើពុករលួយតែមួយ។
អង្គភាពប្រឆាំងអំពើពុករលួយ ឬ ACU បានបញ្ជូនមន្រ្តីខ្លួនម្នាក់ទៅសាលាដំបូងរាជធានីភ្នំពេញ ដើម្បីចាត់វិធានការច្បាប់បន្ត ក្រោយពីរកឃើញថាមន្ត្រីរូបនោះជាប់ពាក់ព័ន្ធនឹងអំពើពុករលួយ។
មន្ត្រីជាន់ខ្ពស់រដ្ឋាភិបាលកម្ពុជា បានចាត់ទុករបាយការណ៍វាយតម្លៃស្ដីពីសន្ទស្សន៍នៃការយល់ឃើញពីអំពើពុករលួយនៅកម្ពុជាឆ្នាំ២០២១ ថាជារបាយការណ៍ «ប្រតិដ្ឋ» និង «បោកប្រាស់» ខណៈតំណាងអង្គការតម្លាភាពអន្តរជាតិប្រចាំកម្ពុជាមិនធ្វើអត្ថាធិប្បាយតបតទៅនឹងប្រតិកម្មនេះទេ។
មន្រ្តីជាន់ខ្ពស់រដ្ឋាភិបាលកម្ពុជា ថ្លែងការពារពីការជួលក្រុមហ៊ុនរបស់សហរដ្ឋអាមេរិកដើម្បីឱ្យជួយបញ្ចុះបញ្ចូលរដ្ឋាភិបាលរបស់ខ្លួននោះ ថាមិនមែនជាទម្រង់នៃអំពើពុករលួយទេ ប៉ុន្តែវាជាការបើកផ្លូវដើម្បីជំរុញឱ្យមានទំនាក់ទំនងល្អរវាងកម្ពុជានិងសហរដ្ឋអាមេរិកឱ្យកាន់តែល្អប្រសើរឡើង ជាពិសេសនឹងជួយបង្កើនធុរកិច្ចកាន់តែល្អជាងមុន។
អង្គការសង្គមស៊ីវិល និងភាគីពាក់ព័ន្ធ បានជំរុញជាថ្មីម្ដងទៀតឱ្យរដ្ឋាភិបាលពន្លឿនការអនុម័តសេចក្ដីព្រាងច្បាប់ការការពារសាក្សី និងសេចក្ដីព្រាងច្បាប់សិទ្ធិទទួលបានព័ត៌មាន ដើម្បីឈានទៅប្រយុទ្ធប្រឆាំងអំពើពុករលួយនៅកម្ពុជា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
