ប្រធានក្រុមប្រឹក្សាជំនុំជម្រះនៃគណៈកម្មាធិការជាតិរៀបចំការបោះឆ្នោត (គ.ជ.ប) សម្រេចលុបចោលបញ្ជីបេក្ខជនទាំងអស់នៃគណបក្សភ្លើងទៀនក្នុងសង្កាត់ទួលស្វាយព្រៃទី១ ដោយសារតុលាការរកឃើញថា មានភាពមិនប្រក្រតីនៃដំណើរការចុះឈ្មោះបេក្ខជនសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់។
ប្រធានគណបក្សកម្ពុជានិយមប្រចាំខេត្តព្រៃវែង ចោទប្រកាន់ថា មានបេក្ខជនដែលឈរឈ្មោះឱ្យគណបក្សក្រៅរដ្ឋាភិបាលមួយនេះមួយចំនួនសម្រេចចិត្តបោះបង់ការឈរឈ្មោះជាមេឃុំចៅ-សង្កាត់ ក្រោយមានការគំរាមកំហែងនិងធ្វើទុក្ខបុកម្នេញផ្នែកនយោបាយ នៅអំឡុងពេលនៃការដាក់បញ្ជីបេក្ខភាព ដើម្បីត្រៀមចូលរួមការប្រកួតប្រជែងក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ នាពេលខាងមុខ។
គណបក្សភ្លើងទៀន ចោទប្រកាន់អាជ្ញាធរនៅតាមមូលដ្ឋានមកពីគណបក្សប្រជាជនកម្ពុជានៅតាមបណ្ដារាជធានី-ខេត្តមួយចំនួនថា នៅបន្តគំរាមកំហែងនិងបំភិតបំភ័យបេក្ខជនដែលឈរឈ្មោះឱ្យគណបក្សក្រៅរដ្ឋាភិបាលមួយនេះក្រោមរូបភាពផ្សេងៗ។
គណបក្សនយោបាយធំៗចំនួនពីរ ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ ខាងមុខនេះ ត្រូវបានមើលឃើញថាមានបេក្ខភាពជាស្ត្រីតែជាង២០ភាគរយប៉ុណ្ណោះ ដែលករណីនេះបង្ហាញឱ្យឃើញពីកង្វះចំនួនស្ត្រីសម្រាប់ផ្នែកនយោបាយនៅក្នុងប្រទេស។
គណបក្សសម្ព័ន្ធដើម្បីប្រជាធិបតេយ្យ (LDP) បានប្រកាសថា នឹងមិនដាក់បេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២នេះឡើយ។
គណៈកម្មាធិការជាតិរៀបចំការបោះឆ្នោត (គ.ជ.ប) ឱ្យដឹងថា មានគណបក្សនយោបាយចំនួន១០ បានបន្តដាក់បញ្ជីបេក្ខភាពរបស់ខ្លួនជាបន្តបន្ទាប់ នៅថ្ងៃទីមួយនេះ ដើម្បីចូលរួមប្រកួតប្រជែងសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ខាងមុខ។
គណៈកម្មាធិការជាតិរៀបចំការបោះឆ្នោត (គ.ជ.ប) បានអនុញ្ញាតឱ្យបក្សនយោបាយអាចរៀបចំបញ្ជីបេក្ខជនឈរឈ្មោះបោះឆ្នោតតាម២របៀបគឺ អាចរៀបចំបញ្ជីបេក្ខជនឈរឈ្មោះដោយដៃ ឬអាចប្រើប្រាស់កម្មវិធីគ្រប់គ្រងការចុះបញ្ជីបេក្ខជនឈរបោះឆ្នោត។
អង្គការខុមហ្រ្វែល ដែលមានជំនាញលើកិច្ចការបោះឆ្នោត យល់ឃើញថា ច្បាប់ស្ដីពីគណបក្សនយោបាយដែលបិទផ្លូវមិនឱ្យអ្នកនយោបាយមានការប្រាស្រ័យទាក់ទងជាមួយទណ្ឌិត ជាបទប្បញ្ញត្តិមួយមានស្ថានទម្ងន់ដែលមិនគួរយកមកប្រើនៅក្នុងទិដ្ឋភាពសព្វថ្ងៃនេះទេ ដែលករណីនេះ ពួកគេស្នើរដ្ឋសភាគួរធ្វើវិសោធនកម្មឡើងវិញ ដើម្បីធានាពីការបើកទូលាយនូវសិទ្ធិនយោបាយឱ្យស្របតាមរដ្ឋធម្មនុញ្ញ។
គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ថា មានគណបក្សនយោបាយចំនួន១១ហើយដែលបានត្រៀមចុះឈ្មោះនិងដាក់បេក្ខភាពឈរឈ្មោះ បម្រើឱ្យការបោះឆ្នោតជ្រើសរើសក្រុមប្រឹក្សាឃុំ-សង្កាត់ សម្រាប់នីតិកាលទី៥ខាងមុខនេះ ខណៈកាលបរិច្ឆេទនៃការទទួលចុះឈ្មោះនៅសល់ពេលប្រមាណ១០ថ្ងៃទៀតប៉ុណ្ណោះ។
គណៈកម្មាធិការជាតិរៀបចំការបោះឆ្នោត (គ.ជ.ប) ទទួលស្គាល់លើលិខិតផ្ទេរសិទ្ធិរបស់គណបក្សភ្លើងទៀន ដែលបើកផ្លូវឱ្យតំណាងគណបក្សនៅថ្នាក់ស្រុក-ខណ្ឌ និងឃុំ-សង្កាត់ អាចប្រើប្រាស់សិទ្ធិក្នុងការចុះហត្ថលេខាដាក់ឈ្មោះបេក្ខភាពមេឃុំ-ចៅសង្កាត់ និងគណបក្សនយោបាយរបស់ខ្លួនបាន ដោយមិនចាំបាច់ត្រូវឆ្លងយោបល់ពីប្រធានគណបក្ស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
