ក្រសួងមហាផ្ទៃ ប្រាប់ទៅគណបក្សកម្ពុជានិយម ឱ្យកែសម្រួលខ្លឹមសារក្នុងលក្ខន្តិកៈនិងរៀបចំកម្មវិធីនយោបាយសំខាន់ៗរបស់ខ្លួនឡើងវិញ បើពុំនោះទេ ក្រសួងនឹងមិនអនុញ្ញាតចុះឈ្មោះគណបក្សនេះក្នុងបញ្ជីគណបក្សនយោបាយនោះទេ។
អតីតតំណាងរាស្រ្តគណបក្សសមរង្ស៊ី មណ្ឌលខេត្តកណ្ដាល និងជាសមាជិកគណៈកម្មាធិការនាយក និងជាសមាជិកក្រុមការងារខេត្តមួយនេះ គឺលោក ឃឹម ឡាគី បានដាក់ពាក្យសុំបង្កើតគណបក្សថ្មីនៅក្រសួងមហាផ្ទៃ បន្ទាប់ពីលោកបានសិទ្ធិធ្វើនយោបាយឡើងវិញនៅខែសីហា។
គណបក្សកែទម្រង់កម្ពុជា នឹងធ្វើសមាជប្រកាសសមាសភាពថ្នាក់ដឹកនាំនៅដើមឆ្នាំក្រោយវិញ ដោយសម្អាងលើមូលហេតុមួយចំនួន រួមទាំងភាពយឺតយ៉ាវផ្ដល់សុពលភាពពីក្រសួងមហាផ្ទៃ។
រដ្ឋមន្ត្រីក្រសួងមហាផ្ទៃ បញ្ជាទៅអាជ្ញាធរពាក់ព័ន្ធគ្រប់លំដាប់ថ្នាក់ត្រៀមទប់ស្កាត់ក្រុមប្រឆាំងដែលចេញទៅរារាំងការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅពាក់កណ្ដាលឆ្នាំក្រោយ ដើម្បីរក្សាសន្តិសុខជាតិជូនប្រជាពលរដ្ឋម្ចាស់ឆ្នោត។
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចប្រើប្រាស់ពេលវេលានៃការពិនិត្យនិងចុះឈ្មោះបោះឆ្នោត បម្រើឱ្យការបោះឆ្នោតជ្រើសរើសក្រុមប្រឹក្សាឃុំ-សង្កាត់សម្រាប់អាណត្តិទី៥ ដែលនឹងប្រព្រឹត្តទៅពេលខាងមុខ ត្រូវប្រើពេលច្រើនថ្ងៃដែលពុំធ្លាប់មាន បើប្រៀបធៀបទៅនឹងការបោះឆ្នោតជ្រើសរើសក្រុមប្រឹក្សាឃុំ-សង្កាត់កាលពី៤អាណត្តិកន្លងទៅ។
រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សកំពុងគ្រប់គ្រងអំណាច លោក ស ខេង បានក្រើនរំឭកមន្ត្រីថា បញ្ហាជម្លោះដីធ្លីនឹងជះឥទ្ធិពលដល់ការបាត់បង់សន្លឹកឆ្នោតនៅពេលខាងមុខ បើមិនព្យាយាមដោះស្រាយដោយតម្លាភាពទេនោះ។
ក្រសួងមហាផ្ទៃ ព្រមានជាថ្មីទៀតថានឹងមិនចុះបញ្ជីគណក្សនយោបាយឱ្យ «គណបក្សបេះដូងជាតិ» ដែលជាគណបក្សមួយបង្កើតឡើងដោយសមាជិកនៃអតីតគណបក្សសង្រ្គោះជាតិ ប្រសិនបើគណបក្សនេះមិនអនុលោមឱ្យស្របតាមច្បាប់ស្តីពីគណបក្សនយោបាយ។
គណៈកម្មាធិការជាតិរៀបចំការបោះឆ្នោត (គ.ជ.ប) នឹងទទួលពាក្យសុំចុះឈ្មោះអ្នកសង្កេតការណ៍ជាតិនិងអន្តរជាតិ រួមទាំងភ្នាក់ងារគណបក្សនយោបាយ សម្រាប់ការពិនិត្យនិងការចុះឈ្មោះបោះឆ្នោតឆ្នាំ២០២១ ចាប់ពីថ្ងៃអាទិត្យក្រោយទៅ។
ថ្នាក់ដឹកនាំគណបក្សនយោបាយដែលទើបបង្កើតថ្មីៗ និងជាអតីតអ្នកនយោបាយមកពីគណបក្សប្រឆាំង លើកឡើងអំពីលទ្ធភាពដែលមិនអាចទៅរួច ប្រសិនបើសំឡេងបក្សនយោបាយ ដែលទើបតែកកើតទាំងនេះ មិនរួមកម្លាំងគ្នាជាបក្សនយោបាយតែមួយ នៅមុនការបោះឆ្នោតឃុំសង្កាត់ និងការបោះឆ្នោតជាតិទេនោះ។
ក្រុមអង្គការសង្គមស៊ីវិលដែលឃ្លាំមើលការបោះឆ្នោត មើលឃើញថា ស្ថាប័នរៀបចំការបោះឆ្នោតនៅប្រទេសដែលប្រកាន់ខ្ជាប់នូវគោលការណ៍ប្រជាធិបតេយ្យ សេរីពហុបក្ស នៅតែមានសារៈសំខាន់ និងមិនអាចខ្វះបានឡើយ ប៉ុន្តែអ្វីដែលធ្វើឱ្យស្ថាប័ននេះត្រូវរងនូវការទិទៀននោះ គឺដោយសារតែការគ្របដណ្តប់ឥទ្ធិពលពីអ្នកនយោបាយហួសប្រមាណ និងកង្វះយន្តការច្បាប់ស្តីពីការកំណត់អាណត្តិមេដឹកនាំ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
