ជនជាតិដើមភាគតិចនៅក្នុងខេត្តព្រះវិហារ បង្ហាញក្ដីបារម្ភថា ព្រៃព្រះរការអាចនឹងបាត់បង់នៅក្នុងរយៈពេលប្រមាណ៣ឆ្នាំខាងមុខទៀត បើសិនជាសកម្មភាពកាប់បំផ្លាញនៅតែបន្តកើនឡើងខ្លាំងដូចអំឡុងពេលកូវីដ-១៩ នា២ឆ្នាំចុងក្រោយនេះ។
មន្ត្រីសង្គមស៊ីវិលមួយចំនួនដែលធ្វើការងារផ្នែកបរិស្ថាននិងព្រៃឈើ ចង់ឃើញអង្គភាពប្រឆាំងអំពើពុករលួយ (ACU) ស៊ើបអង្កេតនិងចាត់វិធានការច្បាប់ឱ្យមានតម្លាភាពចំពោះអ្នករំលោភយកដីព្រៃលិចទឹក ដើម្បីឱ្យប្រជាពលរដ្ឋមានជំនឿលើបទបញ្ជារបស់ប្រមុខរដ្ឋាភិបាលក្នុងការការពារព្រៃលិចទឹកនេះ។
ក្រសួងធនធានទឹក និងឧតុនិយម អំពាវនាវដល់ប្រជាពលរដ្ឋបង្កើនការយកចិត្តទុកដាក់ចំពោះការប្រែប្រួលអាកាសធាតុ ខណៈខេត្តមួយចំនួននឹងចុះត្រជាក់នៅអំឡុងសប្ដាហ៍ក្រោយ ដោយសារព្យុះទី២២ នឹងអាចមានឥទ្ធិពលនៅតំបន់ខ្ពស់រាបភាគឦសានប្រទេសកម្ពុជា។
អាជ្ញាធរខេត្តកំពង់ឆ្នាំង បាននិងកំពុងស្រាវជ្រាវរកជនល្មើសដែលទន្ទ្រានយកដីគម្របព្រៃឈើជាង៧០០ហិកតា ស្ថិតក្នុងស្រុកទឹកផុស ដើម្បីចាត់វិធានការតាមផ្លូវច្បាប់។
មន្ទីរបរិស្ថានខេត្តកំពត ប្រាប់ដល់អ្នកទន្ទ្រានកាន់កាប់ដីឧទ្យានជាតិព្រះមុនីវង្សបូកគោ បញ្ឈប់សកម្មភាពជាបន្ទាន់ និងបានព្រមានចាត់វិធានការច្បាប់តឹងរ៉ឹង ប្រសិនបើអ្នកទាំងនោះមិនព្រមអនុវត្តតាម។
ប្រជាសហគមន៍ និងសមកម្មជនបរិស្ថាន រកឃើញបទល្មើសព្រៃឈើបន្តកើតឡើងឥតថមថយឡើយក្នុងព្រៃសហគមន៍មួយចំនួននៅខេត្តក្រចេះ ដែលកំពុងរងការបាត់បង់គម្របព្រៃឈើគួរឱ្យបារម្ភ។
រដ្ឋាភិបាលបានប្រគល់ភារកិច្ចឱ្យអង្គភាពប្រឆាំងអំពើពុករលួយ (ACU) ធ្វើការស៊ើបអង្កេតស្រាវជ្រាវនិងចាត់វិធានការច្បាប់ចំពោះអតីតអភិបាលខេត្តកំពង់ឆ្នាំង លោក ឈួរ ច័ន្ទឌឿន និងដកហូតដីជាង២ ០០០ហិកតាដែលបានរំលោភយកដោយខុសច្បាប់មកទុកជាសម្បត្តិរដ្ឋវិញ។
ក្រសួងរៀបចំដែនដី នគរូបនីយកម្ម និងសំណង់ ប្រាប់អាជ្ញាធរខេត្តពោធិ៍សាត់ ត្រូវចេញលិខិតបដិសេធលើឯកសារទិញលក់ដីនៅក្នុងតំបន់បឹងទន្លេសាបទាំងអស់ ដោយដកហូតដីខុសច្បាប់ទាំងនោះជូនរដ្ឋវិញ និងកសាងសំណុំរឿងបញ្ជូនជនល្មើសទៅតុលាការចាត់វិធានការច្បាប់។
មន្ត្រីជាន់ខ្ពស់អង្គភាពប្រឆាំងអំពើពុករលួយACU អះអាងថា ស្ថាប័នខ្លួនកំពុងធ្វើការស៊ើបអង្កេតលើរបាយការណ៍ដែលមន្ត្រី និងអ្នកពាក់ព័ន្ធផ្សេងទៀត បានកាប់ទន្ទ្រានយកដីព្រៃលិចទឹកក្នុងខេត្តកំពង់ឆ្នាំង និងកំពង់ធំនាពេលកន្លងមក។
ប្រមុខរដ្ឋាភិបាលបានលើកឡើងថា អ្នកណាប្រគល់ដីដែលខ្លួនបានរំលោភយកពីដីព្រៃលិចទឹកនៅជុំវិញបឹងទន្លេសាបឱ្យរដ្ឋវិញ នឹងរួចខ្លួន ខណៈមន្ត្រីសង្គមស៊ីវិលដែលធ្វើការពាក់ព័ន្ធបរិស្ថាននិងព្រៃឈើ ទាមទារអនុវត្តច្បាប់ឱ្យបានម៉ឺងម៉ាត់ចំពោះករណីនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
