ក្នុងអនុក្រឹត្យស្តីពីការកែសម្រួលផ្ទៃបឹងជើងឯក ចុះថ្ងៃទី១៣ ខែធ្នូ ឆ្នាំ២០១៨ ដែល វី.អូ.ឌី ទើបទទួលបានថ្ងៃនេះ រដ្ឋាភិបាល សម្រេចកាត់ដីទំហំ១៩ ៧៣៦ ម៉ែត្រក្រឡានៅបឹងជើងឯក ស្ថិតក្នុងខណ្ឌមានជ័យ និងខណ្ឌដង្កោជូនទៅសាលារាជធានីភ្នំពេញ ដើម្បីសាងសង់ស្ថានីយ៍ប្រព្រឹត្តកម្មទឹកកង្វក់។

រដ្ឋាភិបាល បានសម្រេចកាត់ដីជាង២០០ហិកតាចេញពីដែនជម្រកសត្វព្រៃណាំលៀ និងដែនជម្រកសត្វព្រៃស្រែពក ដើម្បីធ្វើសម្បទានឲ្យគ្រួសារកងទ័ព និងនគរបាលឈរជើងការពារតាមបណ្ដោយព្រំដែនកម្ពុជា-វៀតណាម។

មន្ត្រីជាន់ខ្ពស់ក្រសួងសាធរណការ ឲ្យដឹងថា គម្រោង​សាង​សង់​ផ្លូវ​ល្បឿន​លឿន​ពី​ភ្នំពេញ​ទៅ​កាន់​ខេត្ត​ព្រះសីហុន គ្រោង​នឹង​ចាប់​ផ្ដើម​ការ​សាង​សង់​ជាផ្លូវការ​នៅ​ខែ​ក្រោយ​នេះ​ហើយ ខណៈ​ដែល​អ្នក​ធ្វើការ​ផ្នែក​សុវត្ថិភាព​ចរាចរណ៍​ចង់ឃើញលទ្ធផលនៃការសិក្សាផលប៉ះពាល់នៃការសាងសង់ផ្លូវនេះ។

សមាជិកឧត្តមក្រុមប្រឹក្សាពិគ្រោះយោបល់ អះអាងថា តុលាការ​បាន​សម្រេច​កាត់​ក្ដី​ទាំង​ខុស​ច្បាប់​ក្នុង​សំណុំ​រឿង​វិវាទ​ដី​ធ្លី​​រវាង​ក្រុម​ប្រជា​ពលរដ្ឋ​ និង​ភរិយា​ឧកញ៉ា​ម្នាក់ នៅ​ឯ​ស្រុក​ព្រៃនប់ ​ខេត្ត​ព្រះសីហនុ ដែល​ឈាន​ទៅ​ដល់​ការ​បង្ក្រាប​ដោយ​ហិង្សា។

ក្នុងពិធីជួបសំណះសំណាលជាមួយកម្មកររោងចក្រនៅស្រុកអង្គស្នួល ខេត្តកណ្តាល នាថ្ងៃនេះ លោក ហ៊ុន សែន ថ្លែងថា ការបញ្ឈប់កម្មករ ដោយសារ ជម្លោះការងារនោះ លោកថា មិនជាជម្រើសរើសល្អទេ។ លោកជំរុញទៅក្រសួងការងារ សហការជាមួយភាគីរោងចក្រធ្វើការដោះស្រាយ ដោយទទួលយកកម្មករដែលរោងចក្របញ្ឈប់នោះចូលធ្វើការងារវិញ។

រដ្ឋាភិបាល​ជំរុញ​ដល់​វិស័យ​ឯកជន​ចូលរួម​បង់​ពន្ធ​ឲ្យ​បានគ្រប់គ្នា និងត្រឹមត្រូវទៅតាមច្បាប់ ព្រោះថា ចំណូលពន្ធថយចុះ ដោយសាររដ្ឋាភិបាលធ្វើកំណែទម្រង់លើវិស័យមួយចំនួន ដើម្បីទាក់ទាញអ្នកវិនិយោគទុន។​

មន្ត្រីសង្គមស៊ីវិល និងអ្នកច្បាប់ បាន​ជំរុញ​ទៅ​រដ្ឋាភិបាល​ឲ្យ​ធ្វើ​កំណែ​ទម្រង់​ប្រព័ន្ធ​យុត្តិធម៌​ទាំង​មូល ជា​ជាង​បង្កើត​ក្រុម​មេធាវី​ថ្មី​សម្រាប់​ការពារ​ស្ត្រី​ក្រីក្រ​នៅ​ទូទាំង​ប្រទេស។

សរសេរផ្សព្វផ្សាយលើទំព័រហ្វេសប៊ុកផ្ទាល់ខ្លួនកាលពីល្ងាចម្សិល​មិញ​នេះ លោក ហ៊ុន សែន បានបញ្ជាទៅក្រសួងការងារ និង​បណ្ដុះ​បណ្ដាល​វិជ្ជា​ជីវៈ ត្រូវគ្រប់គ្រង​ឲ្យបាន​ហ្មត់ចត់ចំពោះក្រុមហ៊ុនដែលបញ្ជូនពលករទៅធ្វើការងារក្រៅប្រទេស និងត្រូវសហការឲ្យបានល្អជាមួយក្រសួងមហាផ្ទៃ ក្រសួងការបរទេស រួមទាំងមន្ត្រី​តំណាង​កម្ពុជា​នៅក្រៅប្រទេស ដើម្បីពង្រឹងការអនុវត្តច្បាប់ និងដាក់វិធានការនានាក្នុងគោលដៅបង្កើនសុវត្ថិភាពសម្រាប់ពលរដ្ឋដែលធ្វើចំណាកស្រុក។