ប្រជាពលរដ្ឋមួយចំនួននៅរាជធានីភ្នំពេញ អំពាវនាវទៅរដ្ឋាភិបាលបញ្ចេញរថយន្តចល័តដែលលក់អង្ករ បន្លែ ត្រី សាច់ និងគ្រឿងបរិភោគបន្ថែមទៀត ក្នុងអំឡុងពេលមានការបិទខ្ទប់ និង​ស្របពេលដែល​ផ្សារជាច្រើនបានផ្អាកដំណើរការជាបណ្តោះអាសន្ន ដោយសារតែវិបត្តិជំងឺកូវីដ-១៩។

លោកនាយករដ្ឋមន្ត្រី ហ៊ុន សែន បានដាក់បទបញ្ជាបន្ថែមឱ្យអភិបាលរាជធានី-ខេត្ត និងសមត្ថកិច្ចពាក់ព័ន្ធ ចាត់វិធានការ​ត្រួតពិនិត្យ​​កា​រលួច​ធ្វើដំណើរ​របស់​ប្រជាពលរដ្ឋ​ចេញ​ពី​រាជ​ធា​នី​ភ្នំពេញទៅខេត្ត​តាមរយៈមធ្យោបាយផ្លូវទឹក។

អាជ្ញាធររាជធានីភ្នំពេញ បង្កើតក្រុមការងារ​ជួយបញ្ជូន​ស្បៀង​ដល់​ប្រជាពលរដ្ឋដែលរងផលប៉ះពាល់ពីជំងឺកូវីដ-១៩ ក្នុងខណ្ឌដែលត្រូវ​បន្តបិទខ្ទប់ ខណៈអាជ្ញាធរបន្តអនុវត្តវិធានសុខាភិបាល ដើម្បីទប់ស្កាត់ជំងឺ​ឆ្លងជា​សកលនេះ។

ក្រសួងព័ត៌មានណែនាំឱ្យម្ចាស់ស្ថានីយវិទ្យុ ទូរទស្សន៍គ្រប់ប្រព័ន្ធ និងប្រព័ន្ធផ្សព្វផ្សាយតាមអនឡាញទាំងអស់ផ្អាកការ​ផ្សាយពាណិជ្ជកម្មគ្រឿងស្រវឹងគ្រប់ប្រភេទ ចាប់ពីថ្ងៃនេះ​រហូតដល់ថ្ងៃទី៣០ ខែមេសា។

ក្រសួងព័ត៌មាន ណែនាំទៅម្ចាស់ប្រព័ន្ធផ្សព្វផ្សាយទាំងអស់ត្រូវផ្អាក​ការផ្សព្វផ្សាយគ្រឿងស្រវឹងគ្រប់ប្រភេទ ក្នុងអំឡុងពេលអនុវត្តការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

អាជ្ញាធរខេត្តព្រះសីហនុ បានសម្រេចផ្អាកអាជីវកម្មលក់ដូរនៅផ្សារលើ ក្រុងព្រះសីហនុ ជាបណ្តោះអាសន្ន រយៈពេល១៤ថ្ងៃ ក្រោយរកឃើញអាជីវករផ្សារនេះចំនួន៦នាក់មានវិជ្ជមានជំងឺកូវីដ-១៩ និង ៥នាក់ទៀតកំពុងធ្វើចត្តាឡីស័ក។

មន្ត្រីសង្គមស៊ីវិលដែលធ្វើការងារស្និទ្ធជាមួយពលរដ្ឋប្រកបរបរក្រៅប្រព័ន្ធ បានស្នើទៅកាន់រដ្ឋាភិបាលឬអាជ្ញាធររាជធានីភ្នំពេញ ឱ្យបង្កើនចំនួនថ្ងៃចាក់វ៉ាក់សាំងជូនអ្នកបើកបរត្រីចក្រយានយន្តឬរ៉ឺម៉កកង់បីបន្ថែមទៀត ត្បិតចំនួនថ្ងៃដែលអាជ្ញាធរកំណត់សម្រាប់ចាក់ជូនពួកគេនៅមិនទាន់គ្រប់គ្រាន់នៅឡើយ។