និយ័តករទូរគមនាគមន៍កម្ពុជា ដែលជាអាជ្ញាធររបស់រដ្ឋត្រួតពិនិត្យទៅលើក្រុមហ៊ុនផ្គត់ផ្គង់សេវាទូរសព្ទនិងអ៊ីនធឺណិតនៅកម្ពុជា បានក្រើនរំឭកទៅប្រតិបត្តិករផ្គត់ផ្គង់សេវាទូរគមនាគមន៍ទាំងអស់ ឱ្យបង្កើនគុណភាពសេវាទូរសព្ទចល័តរបស់ខ្លួនអំឡុងថ្ងៃឈប់សម្រាកជិតមួយសប្ដាហ៍ខាងមុខនេះ។
ក្រសួងទេសចរណ៍គ្រោងស្នើទៅរដ្ឋាភិបាលបង្កើតទីក្រុងសៀមរាបថ្មី និងគោលដៅទេសចរណ៍ថ្មីមួយចំនួនបន្ថែមទៀត ដើម្បីទាក់ទាញភ្ញៀវទេសចរអន្តរជាតិទៅកាន់ខេត្តសៀមរាបឱ្យបាន៧លាននាក់ នៅឆ្នាំ២០៣៥។
មេដឹកនាំអតីតបក្សប្រឆាំងដែលត្រូវបានរំលាយ លោក កឹម សុខា ផ្ញើសារក្រើនរំឭកកុំឱ្យមើលបំណាំគ្នា ឬយកជម្លោះធ្វើជាឧបសគ្គរារាំងដល់ការចូលរួមជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀង។
សមាគមនិងបណ្ដាញមនុស្សចាស់កម្ពុជា ស្នើដល់រដ្ឋាភិបាលឱ្យផ្ដល់ជូនបណ្ណសមធម៌ដល់ពលរដ្ឋគ្រប់រូប នៅពេលពួកគេឈានចូលដល់វ័យចាស់ឬ៦០ឆ្នាំ ដោយថា ដើម្បីជួយសម្រួលបន្ទុកនិងអាចឱ្យពួកគាត់មានទំនុកចិត្តនៅពេលមានជំងឺឈឺថ្កាត់ផ្សេងៗ។
ក្រសួងពាក់ព័ន្ធនិងអង្គការសង្គមស៊ីវិល ប្រកាសដាក់ឱ្យប្រើប្រាស់ជាផ្លូវការនូវគំរូលក្ខន្តិកៈថ្មី និងបទបញ្ជាផ្ទៃក្នុងសម្រាប់ការចុះបញ្ជីដីសមូហភាពសហគមន៍ជនជាតិដើមភាគតិចនៅកម្ពុជា ដើម្បីជំរុញដល់ការចុះបញ្ជីដីធ្លីសហគមន៍ជនជាតិដើមភាគតិច ឱ្យបានឆាប់រហ័សនិងមានប្រសិទ្ធភាព។
លោកនាយករដ្ឋមន្ត្រី ហ៊ុន សែន បានសម្រេចដាក់ឱ្យប្រើប្រាស់ជាបណ្ដោះអាសន្ននូវស្ពានអាកាសរង្វង់មូលចោមចៅចាប់ពីថ្ងៃនេះ បន្ទាប់ពីដំណើរការសាងសង់បានបញ្ចប់រួចរាល់ហើយនោះ។
លោកនាយករដ្ឋមន្ត្រីហ៊ុន សែន ស្នើទៅប្រមុខរដ្ឋស្តីទីកែសម្រួលដីនៅព្រំប្រទល់រវាងរាជធានី និងខេត្តកណ្តាលដោយកាត់យកផ្ទៃដីទំហំជាង៣០០ហិកតាដាក់ឱ្យស្ថិតនៅក្រោមការគ្រប់គ្រងរបស់ខណ្ឌដង្កោ រាជធានីភ្នំពេញ ដើម្បីធ្វើការអភិវឌ្ឍន៍ទីក្រុងរណប។
លោកនាយករដ្ឋមន្ត្រី ហ៊ុន សែន អំពាវនាវដល់ប្រជាពលរដ្ឋឱ្យឈប់ឆ្លងដែនខុសច្បាប់ទៅរកការងារធ្វើនៅប្រទេសជិតខាងតាមរយៈការអូសទាញរបស់មេខ្យល់ ក្នុងអំឡុងពេលមានវិបត្តិកូវីដ១៩នេះ ដោយថា ស្ថានភាពបែបនេះនឹងបង្កឱ្យជួបហានិភ័យខ្ពស់។
មន្ត្រីពន្ធនាគារឱ្យដឹងថា អ្នកទោសជាស្ត្រីនិងអនីតិជនជាង១ ៤០០នាក់ ត្រូវបានជម្លៀសចេញពីមណ្ឌលអប់រំកែប្រែ«ម២» ទៅកាន់ពន្ធនាគារចំនួនពីរនៅក្នុងរាជធានីភ្នំពេញ ខណៈដែលមណ្ឌលអប់រំកែប្រែ«ម២»នេះ បានរងការជន់លិចដោយជំនន់ទឹកភ្លៀង។
លោកនាយករដ្ឋមន្ត្រី ហ៊ុន សែន អំពាវនាវដល់ធនាគារនិងគ្រឹះស្ថានមីក្រូហិរញ្ញវត្ថុទាំងអស់ បន្តការយោគយល់ ដោយបន្ធូរបន្ថយអត្រាការប្រាក់ ពន្យារពេលនៃការសងប្រាក់ និងកុំរឹបអូសទ្រព្យសម្បត្តិពីពលរដ្ឋដែលរងគ្រោះដោយជំនន់ទឹកភ្លៀង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
